წინასწარი მონაცემებით, შესაძლებელია, მეორე ტური გაიმართოს მცხეთის მაჟორიტარულ ოლქში, - ამის შესახებ ცესკო-ს თავმჯდომარე თამარ ჟვანიამ განაცხადა.

როგორც მან "საზოგადოებრივი მაუწყებლის ეთერში აღნიშნა, ახლახანს დასრულდა მცხეთაში, საოლქო საარჩევნო კომისიის სხდომა და ქსნის ციხეში მაჟორიტარული ნაწილი შედეგების გაუქმდა.

„სულ ახლახანს მცხეთაში დასრულდა საოლქო-საარჩევნო კომისიის სხდომა. მიუხედავად იმისა, რომ იყო საჩივრები, მაგრამ არასწორად შეტანილი და განუხილველად დარჩა, თავისი ინიციატივით, ამ შემთხვევაში ქსნის ციხის შედეგებს ეხება საკითხი, საოლქო საარჩევნო კომისიამ შეისწავლა საკითხი, გადაამოწმა შედეგები და მონაცემები. დღეს ზუსტად რამდენიმე წუთის წინ იქნა მიღებული გადაწყვეტილება, რომ ამ ციხეში მაჟორიტარული ნაწილი შედეგების გაუქმდა, რაც ფაქტობრივად იწვევს წინასწარი მონაცემებით ისეთ სურათს, რომ შესაძლებელია, მეორე ტური ასევე გაიმართოს მცხეთის, ამ შემთხვევაში იმ კონკრეტულ მაჟორიტარულ ოლქში, რომელსაც მცხეთის საარჩევნო ადმინისტრაცია კურირებს. წინასწარი მონაცემებით ასე იკვეთება, რადგან მაჟორიტარული შედეგი ამ უბანში, რომელიც იყო დახლოებით 600-მდე ხმა, არასწორად იყო გაცემული ბიულეტენები, რადგან რეგისტრაციის მიხედვით არ ეკუთვნოდათ სპეცსიაში მყოფ ამომრჩევლებს. საოლქო საარჩევნო კომისიამ გააბათილა ეს შედეგი, რის შედეგადაც შესაძლოა, გაიმართოს მეორე ტური. ეს ძალიან მნიშვნელოვანი გადაწყვეტილება იყო. მივყვებით სამართლებრივად ყველა პროცესს“,- განაცხადა ჟვანიამ.

მცხეთის, ყაზბეგის, დუშეთისა და თიანეთის ოლქში პირველ ადგილზე გავიდა "ქართული ოცნების" კანდიდატი შალვა კერესელიძე, ხოლო მეორე ადგილზეა "ნაციონალური მოძრაობა - გაერთიანებული ოპოზიციის" კანდიდატი ცეზარ ჩოჩელი.

ავტორი: ექსპრესნიუსი,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება