ბორჯომ-ბაკურიანის სატყეო უბნის ინვენტარიზაცია დასრულდა.

პროექტი დღეს გარემოსა და ბუნებრივი რესურსების დაცვის მინისტრის მოადგილემ ბესარიონ აბაშიძემ, ავსტრიის მთავრობის წარმომადგენლებთან ერთად შეაჯამა.

გარემოს დაცვის სამინისტროს ინფორმაციით, 1998 წლის შემდეგ ბორჯომ-ბაკურიანის სატყეო უბანში ინვენტარიზაცია პირველად განხორციელდა.

პროექტის ფარგლებში ტყის მართვის 10 წლიანი სამოქმედო გეგმა შემუშავდა, ასევე სატყეო დარგის სპეციალისტებისთვის საქართველოს ტყეებში გავრცელებული მერქნიანი სახეობების და ტყის მავნებელ დაავადებათა შესახებ გზამკვლევი მომზადდა.

პროექტი “კლიმატის ცვლილებასთან ადაპტირებული ტყის მდგრადი მართვა ბორჯომის რაიონში” ავსტრიის განვითარების სააგენტოს, ავსტრიის კვლევითი ცენტრის და კავკასიის გარემოსდაცვითი არასამთავრობო ქსელის (CENN) მხარდაჭერით განხორციელდა.

„პროექტი 2 წლის წინ დაიწყო და ის მიზნად ისახავდა კლიმატის ცვლასთან ადაპტირებული მდგრადი სატყეო მეურნეობის განვითარებას ბორჯომის და ბაკურიანის რეგიონში. დღეს ქართველ კოლეგებთან მიღებულ შედეგებზე ვისაუბრეთ. ვფიქრობ, რომ ქართულ და ავსტრიულ მხარეებს შორის ნაყოფიერი თანამშრომლობა შედგა“, - განაცხადა ავსტრიის კვლევითი ცენტრის წარმომადგენელმა მიქაელ სუტერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება