2020-09-25 09:48:57, 563 ნახვა
სამართალი
მიხეილ რამიშვილმა თბილისის საქალაქო სასამართლოში საჩივარი შეიტანა
გარდაცვლილი პროგრამისტის, თამარ ბაჩალიაშვილის ოჯახის ადვოკატმა, მიხეილ რამიშვილმა თბილისის საქალაქო სასამართლოში საჩივარი შეიტანა.
რამიშვილი ასაჩივრებს მოსამართლის გადაწყვეტილებას, რომლის საშუალებითაც გამოძიების მიერ ჩამორთმეული ტელეფონით დავით ფურცხვანიძესთან მიმოწერასთან ერთად მისი პირადი მონაცემებიც საჯარო გახდა.
შეგახსენებთ, თბილისის პროკურატურის საგამოძიებო სამმართველოში მიმდინარეობს გამოძიება მტკიცებულებათა ფალსიფიკაციის და კომპიუტერულ სისტემაში უნებართვო შეღწევის ფაქტებზე. საქმე უკავშირდება ბაჩალიაშვილის საქმეზე ადვოკატის მიერ გასაჯაროებულ სატელიტის ფოტოებს. ფოტოები მიხეილ რამიშვილს ხელმძღვანელმა დავით ფურცხვანიძემ გაუგზავნა. პროკურატურა აცხადებს, რომ აღნიშნული სატელიტის ფოტოები დამონტაჟებულია.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
