რაგბის კავშირის ვიცე-პრეზიდენტის, მერაბ ბესელიას ადვოკატის, პაატა მეხრიშვილის  განცხადებით, რაგბის მხარე ბრალდებულისთვის წინასწარი პატიმრობის გამოყენებას ითხოვს, რაც სრულიად უსაფუძვლოა.

მისივე თქმით, დაცვის მხარე აღკვეთის ღონისძიების დროს ფაქტობრივ და ფრომალურ საფუძვლებზე პრეტენზიას გამოთქვამს.

„რაგბის მხარე ითხოვს ყველაზე უფრო მკაცრი აღკვეთის ღონისძიების, პატიმრობის გამოყენებას, რაც ბუნებრივია, სრულიად დაუსაბუთებელი და უსაფუძვლოა. დავიწყოთ იმით, რომ მერაბ ბესელია თვითონ გამოცხადდა პოლიციის დაწესებულებაში ნებაყოფლობით, მისცა სრულყოფილი და ამომწურავი ჩვენება და დაეხმარა გამოძიებას საქმეზე ჭეშმარიტების დადგენაში. აღკვეთის ღონისძიების დროსაც გამოვთქვამთ პრეტენზიას როგორც ფაქტობრივ, ასევე ფორმალურ საფუძვლებზეც.

ფაქტობრივში იგულისხმება სწორედ ის ბრალი, რომელიც მას გუშინ წარედგინა და რომელიც სრულიად უსაფუძვლოა. ბრალდების მხარე მიიჩნევს, რომ 117-ე მუხლი, ჯანმრთელობის განზრახ მძიმე დაზიანება ჩაიდინა მან და ამას აკეთებს იმაზე დაყრდნობით, რომ თითქოს დაზარალებულს შეეზღუდა პროფესიული მოვალეობის შესრულების შესაძლებლობა, რაც არის სრული აბსურდი“, - განაცხადა პაატა მეხრიშვილმა.

შეგახსნებთ, რომ რაგბის კავშირში დაპირისპირება 3 დღის წინ მოხდა. მორაგბე რამაზ ხარაზიშვილის დაჭრის ფაქტზე დაკავებულია რაგბის კავშირის ვიცე-პრეზიდენტი. მერაბ ბესელია სამართალდამცველებმა მცხეთაში აიყვანეს.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა