„მსოფლიო ბანკმა მიიღო გადაწყვეტილება, 40 მილიონ დოლარამდე თანხით დააფინანსოს საყოველთაო ინტერნეტიზაციის ძალიან მნიშვნელოვანი ინფრასტრუქტურული პროექტი -  იგივე Log in Georgia,  რაც იმას ნიშნავს, რომ საქართველოს ათასამდე დასახლებულ პუნქტში, მათ შორის ტექნიკურად რთულად მიღწევად დასახლებებში გვექნება ფართოზოლოვანი, ოპტიკურ-ბოჭკოვანი, მაღალი ხარისხის ინტერნეტი“, - ამის შესახებ ეკონომიკის მინისტრმა, ნათია თურნავამ ჟურნალისტებთან განაცხადა.

მინისტრის თქმით, დაახლოებით ნახევარი მილიონი მოსახლე, მიუხედავად იმისა, თუ რამდენად დაშორებულია მათი საცხოვრებელი ადგილი მსხვილი ქალაქებიდან, მიიღებს ძალიან მაღალი ხარისხის ინტერნეტს.

„ეს პროექტი არამხოლოდ ზრდის ინტერნეტით სარგებლობას,  არამედ ქმნის დამატებით სამუშაო ადგილებს,  რადგან განსაკუთრებით კოვიდისა და შემდგომ პერიოდში ძალიან მნიშვნელოვანია დისტანციური მუშაობის რეჟიმი, დიჯიტალიზაცია და აქედან გამომდინარე, ეს ახალი შესაძლებლობაა ადამიანებისთვის სახლიდან გაუსვლელად იყვნენ დასაქმებულები. ეს არის ახალი შესაძლებლობა ასევე ტურიზმისთვის და ჩვენ დარწმუნებულები ვართ, რომ ეს ინდუსტრია მალე დაუბრუნდება დადებით დინამიკას. გარდა ამისა,  ეს არის ონლაინ-განათლებისთვის ახალი  შესაძლებლობები, ეს არის ჩვენი მომავალი. ამ თვალსაზრისით ბევრ ქვეყანას ერთი ნაბიჯით ვასწრებთ, რადგან რთულად მიღწევად ადგილებშიც კი გვექნება ისეთი ხარისხის ინტერნეტი, როგორიც გვაქვს თბილისში", - განაცხადა ნათია თურნავამ.

ავტორი: NS (სტატია დაფინანსებულია),

სოციალური ქსელები

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა

ALDE: ოცნებამ უნდა უზრუნველყოს, რომ ელენე ხოშტარიამ მიიღოს მკურნალობა, რომელიც სჭირდება