გიორგი შაქარაშვილის საქმეზე ბრალდებული ძიუდოისტის, გიგა ტატიაშვილის ადვოკატის, გიორგი ყიფშიძის განცხადებით, საქმეში თვითმკვლელობის ვერსია კატეგორიულად გამორიცხულია.

ადვოკატის თქმით, შესაძლოა, ვიღაც ხალხისა და გამოძიებისთვის კვალის არევას შეეცადა.

„იმდენი კითხვის ნიშანია, თვითმკვლელობის ვერსია კატეგორიულად გამოვრიცხე, რადგან საქმიდან გამომდინარე არანაირი ზოგადი მინიშნება ამასთან დაკავშირებით არ არსებობს. მკვლელობის ვერსიისთვისაც იმდენად ბუნდოვანია ეს ყველაფერი, რომ ჩემი აზრით, რაღაცის დამალვის ვერსიები უფრო მეტია ამ ბიჭის გარდაცვალების საქმეში, ვიდრე მისი მოკვლის და შემდეგ მისი გადაგდების. მე ასე ვფიქრობ, რადგან სადღაც 6 წუთი იკარგება ვიდეო კადრებში. რეალურად 6-7 წუთში მოკვლა, გადამალვა, ჩანთის დადება და ყველაფრის ასე დალაგება წარმოუდგენელია, თან ამ პატარა, საერთოდ გამოუცდელი ბავშვებისაგან. როგორი რაგბისტიც არ უნდა იყო, საკმაოდ ფენომენალური გამოცდილება უნდა გქონდეს, რომ ასე ყველაფერი განახორციელო, დაალაგო და მთელ საქართველოს თვალი აუხვიო. მე უფრო ვხედავ ასეთ ვერსიას, რომ იმ პერიდში, როდესაც ეს ახალგაზრდა არ ჩანს შესაძლებელია, ვიღაც შეეცადა კვალი აერია სიტუაციისთვის, ხალხისთვის და გამოძიებისთვის. მე ამას უფრო ვუჭერ მხარს, რადგან ჩანთა თავისით ვერ შეხტებოდა სადღაც. ეწვი მეპარება, რომ შაქარაშვილმა ჩანთა თავისი ხელით იქ შემოდო“, - განაცხადა გიორგი ყიფშიძემ.

შეგახსენებთ, რომ 19 ივნისს, გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს მიმართა. საქმეში თავიდანვე ჩაერთო პოლიცია და სამაშველო სამსახური. 4-დღიანი საძიებო სამუშაოების შემდეგ მყვინთავებმა ფეხბურთელ გიორგი შაქარაშვილის ცხედარი წყალში იპოვეს. მცხეთის რაიონულმა სასამართლომ ფეხბურთელ გიორგი შაქარაშვილის გარდაცვალების საქმეზე 17 პირი დააკავა და ყველა მათგანს აღკვეთის ღონისძიების სახით პატიმრობა შუეფარდა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია