ფეხბურთელ გიორგი შაქარაშვილის გარდაცვალების საქმეზე ბრალდებული 17 პირის მიმართ მცხეთის რაიონულ სასამართლო აღკვეთის ღონისძიების შეფარდებაზე მსჯელობს. პროცესი დახურულ რეჟიმში მიმდინარეობს.

არსებული ინფორმაციის მიხედვით, იმის გამო, რომ საქმეში ექვსი არასრულწლოვანი ფიგურირებს პროცესი დახურულია, მას არც ჟურნალისტები დაესწრებიან.

ერთ-ერთი ბრალდებულის, თენგო ბარბაქაძის ადვოკატის, გიორგი ფოფხაძის განცხადებით, მისი დაცვის ქვეშ მყოფი ბრალს არ აღიარებს.

„მოგვიწია მთელი ღამის განმავლობაში მუშაობა, რადგან ასეთი რაღაც არ გამიგია, რომ აღკვეთის ღონისძიება ინიშნება დილით და წინა დღეს, ღამის პირველ-ორ საათზე გადმომეცა საქმის მასალები. ჩემი დაცვის ქვეშ მყოფი არ აღიარებს წარდგენილ ბრალდებას და თავს ცნობს უდანაშაულოდ. შუამდგომლობით მივმართავ პატიმრობის შეცვლასთან დაკავშირებით. ჩემი დაცვის ქვეშ მყოფი არ ჩანს პროკურატურის მიერ გავრცელებულ კადრებში და მას ძალადობაში მონაწილეობა არ მიუღია“,- განაცხადა გიორგი ფოფხაძემ.

დაკავებული სპორტსმენების, არჩილ გაგნიძისა და ვასილ მახარაძის ადვოკატი ალექსანდრე კობაიძე იმედოვნობს, რომ მოსამართლე სპორტსმენების მიმართ აღკვეთის ღონისძიებად პატიმრობას არ გამოიყენებს.

„მქონდა მოლოდინი, რომ საგამოძიებო უწყება არ იმოქმედებდა ისე ქაოსურად, როგორც უკვე იმოქმედა. მქონდა მოლოდინი, რომ საგამოძიებო ორგანო მოწოდების სიმაღლეზე იქნებოდა, თუმცა სამწუხაროდ, მივიღეთ, ცუდი რაღაც. ამ უბედურებას კიდე 17 ადამიანის უბედურება ემატება. საქმის მასალებში არსად არ დასტურდება ბრალეულობა. მიმაჩნია, რომ უსაფუძვლოა დაკავება და იმედს გამოვთქვამ, რომ დღევანდელი სასამართლო აღკვეთის ღონისძიებას არც ერთ სპორტსმენზე და არც ერთ ადამიანზე არ გამოიყენებს.

იმედი მაქვს, ეს საქმე არ იქნება პოლიტიზებული და იქნება სამართლებრივ ჩარჩოში ჩამჯდარი. აქ არის მნიშვნელოვანი ფაქტორი, რომ მოწმე გურო საუბრობს, რომ არანაირი იძულება არ განუხორციელებიათ იმ პირებს, რომლებიც „ტოიოტას“ მარკის ავტომანქანაში ისხდნენ. არანაირ იძულებას ადგილი არ ჰქონიაო. ამ ვიდეო ჩანაწერში რამდენიმე წამი ჩერდება მანქანა, ხიდის ქვეშ არ ჩასულა მანქანა, მხოლოდ მაშინ ჩავიდა, როდესაც გურო ჩაისვეს და წავიდნენ“,- განაცხადა კობაიძემ.

სასამართლო სხდომის დაწყებამდე საქმის პროკურორს კომენტარი არ გაუკეთებია, თუმცა ცნობილია, რომ პროკურატურა 17-ივე ბრალდებულის მიმართ აღკვეთის ღონისძიების სახით პატიმრობის შეფარდებას ითხოვს.

პროკურატურამ გიორგი შაქარაშვილის გარდაცვალების საქმეზე დაკავებულ 17-ვე პირს წარუდგინა ბრალდება ორი ან მეტი პირის მიმართ განხორციელებული ჯგუფური ძალადობის, ჯგუფური ძალადობის ორგანიზების და ამავე ძალადობაში მონაწილეობის და ჯგუფურად თავისუფლების უკანონო აღკვეთის ფაქტებზე, საქართველოს სისხლის სამართლის კოდექსის 126-ე მუხლის პირველი პრიმა ნაწილის „ბ“ და „გ“ ქვეპუნქტებით, 225-ე მუხლის პირველი და მე-2 ნაწილებით და 143-ე მუხლის მე-3 ნაწილის „ა“ ქვეპუნქტით“.

შეგახსენებ, რომ  ფეხბურთელი გიორგი შაქარაშვილი მაშველებმა, ოთხდღიანი ძებნის შემდეგ, გარდაცვლილი იპოვეს.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია