2020-05-21 17:02:15, 1572 ნახვა

---

ელისაშვილი კობახიძეს - ივანიშვილის უნიჭო ანეკდოტებზე რომ სიცილით იხევი და თალაკვაძის ლექსები მოგწონს, ვის გოიმობაზე ლაპარაკობ?

ივანიშვილის უნიჭო ანეკდოტებზე რომ იხევიან სიცილით და თალაკვაძისა ლექსები მოგწონს, ვის გოიმობაზე ლაპარაკობ, - ასე გამოეხმაურა „ტვ პირველის“ ეთერში სამოქალაქო მოძრაობის ლიდერი ალეკო ელისაშვილი „ქართული ოცნების“ ლიდერს და პარლამენტის ყოფილ თავმჯდომარეს, ირაკლი კობახიძის განცხადებას.

„ბიძინა ივანიშვილის უნიჭო ანეკდოტებზე რომ იხევიან სიცილით და არჩილ თალაკვაძისა და ლადო კახაძის ლექსები რომ კაცს მოგწონს, ვის გოიმობაზე ლაპარაკობ? ერთი მაგრად მაინტერესებს. გოიმობაა - წაიკითხოს თალაკვაძის ლექსები რომ არის, ალუჩასთან ინცესტიო და რაღაც ბოდვები რომ უწერია“, - განაცხადა ალეკო ელისაშვილმა.

ცნობისთვის, ირაკლი კობახიძემ ოპოზიციას გოიმები, ხოლო „ევროპული საქართველოს“ ლიდერ გიგა ბოკერიას ნომერ პირველი გოიმი უწოდა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი