საქართველომ არსებული კრიზისის პირობებში შეძლო მნიშვნელოვანი ფინანსური დახმარების მობილიზება, მათ შორის, საჯარო სექტორისთვის მილიარდ ნახევარი დოლარი, რომელსაც ჩვენ გამოვიყენებთ იმ დანაკლისების დაბალანსებისათვის, რომელსაც ჩვენ ბიუჯეტში ვღებულობთ ახალა და ასევე ეროვნული ბანკის რეზერვებისათვის, - ამის შესახებ პარლამენტის საფინანსო-საბიუჯეტო კომიტეტის თავმჯდომარემ ირაკლი კოვზანაძემ განაცხადა.

მისივე თქმით, ფინანსური დახმარებიდან ასევე დამატებით მილიარდნახევარი იქნება განსაზღვრული კორპორატიული სექტორისთვის, განსაკუთრებით ეს არის საფინანსო სექტორი, საბანკო სექტორი, რომელშიც მნიშვნელოვანია დღეს მდგრადობის შენარჩუნება.

„პირველი მილიარდნახევარი გვაძლევს ჩვენ საშუალებას, რომ წარმოგვედგინა ეს მნიშვნელოვანი სოციალური დახმარებების პაკეტი, რომლის პრეზენტაციაც მოხდა და ეხება მოსახლეობის ფართო ფენებს. ეს არის სოციალური დახმარებების ის პაკეტი, რომელიც იძლევა საშუალებას, რომ გადაზღვეულ იქნეს გარკვეული სოციალური რისკები, რომლებიც ამ ვირუსის პირობებში ჩვენი თანამემამულეების წინაშე დგება. ეს პაკეტი არის მრავალმხრივი და ასევე ითვალისწინებს, რომ გარდა  კომუნალური დახმარებებისა, გარკვეული ფინანსური რესურსები მიიღონ ჩვენმა თანამემამულეებმა", - განაცხადა ირაკლი კოვზანაძემ.

საფინანსო-საბიუჯეტო კომიტეტის თავმჯდომარემ  განსაკუთრებით ხაზგასმით აღნიშნა საფინანსო სექტორთან დაკავშირებული კომპონენტი, კერძოდ ის, რომ  ამ პაკეტში არის ერთი მნიშვნელოვანი პუნქტი - 600 მილიონი ლარი დამატებით საბანკო სექტორის ლიკვიდურობის შენარჩუნებისათვის.

„დღეს, არსებული კრიზისის პირობებში მნიშვნელოვანია ეს ფაქტორი, რომ შენარჩუნებულ იქნეს საბანკო, საფინანსო სექტორის მდგრადობა და ეს ერთ-ერთი უმნიშვნელოვანესი კომპონენტი არის კაპიტალის ბუფერებთან ერთად, გადახდისუნარიანობა, ლიკვიდურობა და კაპიტალის ბუფერები, რომლებიც ყოველდღიური კონტროლის ქვეშ უნდა იყოს. ამ პროგრამაში ეს განსაკუთრებით ხაზგასმით არის აღსანიშნავი - 600 მილიონი დამატებით ლიკვიდურობის შენარჩუნებისათვის და ეს ნამდვილად საყურადღებოა. პროგრამა განსაკუთრებით არის დივერსიფიცირებული, და კიდევ ერთხელ ხაზს ვუსვამ, სოციალური პაკეტი, რომელიც დღეს იქნა წარდგენილი", - განაცხადა ირაკლი კოვზანაძემ.​ 

ავტორი: ექსპრესნიუსი,

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა