2020-04-21 13:43:06, 2120 ნახვა
სამართალი
შინაგან საქმეთა სამინისტრომ მეუღლის მიმართ ჩადენილი ოჯახში ძალადობის ბრალდებით ერთი პირი დააკავა
შინაგან საქმეთა სამინისტროს თბილისის პოლიციის დეპარტამენტის ისანი-სამგორის სამმართველოს თანამშრომლებმა, ჩატარებული საგამოძიებო მოქმედებების შედეგად, 1976 წელს დაბადებული კ.მ. ოჯახის წევრის მიმართ ჩადენილი ძალადობის ბრალდებით, თბილისში დააკავეს.
ამის შესახებ „ექსპრესნიუსს“ შსს-მ განუცხადა.
გამოძიებით დადგინდა რომ, დაკავებულმა მამაკაცმა მეუღლეს-1980 წელს დაბადებულ რ.კ.-ს არასრულწლოვანი შვილის თანდასწრებით ფიზიკური შეურაცხყოფა მიაყენა.
გამოძიება საქართველოს სისხლის სამართლის კოდექსის 126 პრიმა მუხლის მე-2 ნაწილის ,,ბ“ ქვეპუნქტით მიმდინარეობს, რაც არასრულწლოვნის თანდასწრებით ოჯახის წევრის მიმართ ჩადენილ ძალადობას გულისხმობს.
ავტორი: NS (სტატია დაფინანსებულია),
epn.ge (@expressnews.ge)
