სასჯელაღსრულებისა და პრობაციის მინისტრი კახა კახიშვილი საქართველოში ევროკავშირის ელჩს, იანოშ ჰერმანს შეხვდა.

სამინისტროს ინფორმაციით, გაცნობითი ხასიათის  შეხვედრაზე ელჩმა მინისტრს თანამდებობაზე დანიშვნა მიულოცა, აღნიშნა, რომ ევროკავშირის წარმომადგენლობა ძალიან აფასებს იმ გამოცდილებას, რომელიც კახა კახიშვილს ადამიანის უფლებათა დაცვის სფეროში გააჩნია  და ნაყოფიერი საქმიანობა უსურვა.

მხარეებმა  ურთიერთთანამშრომლობის საკითხებზე, მიმდინარე ინსტიტუციურ რეფორმაზე,  ერთობლივად განხორციელებულ და დაგეგმილ პროექტებზე  ისაუბრეს.

კახა კახიშვილმა ელჩს პენიტენციური სისტემის რეფორმირების პროცესში აქტიური მხარდაჭერისთვის მადლობა გადაუხადა და იმედი გამოთქვა, რომ ევროკავშირი კვლავაც მნიშვნელოვან როლს ითამაშებს აღნიშნული რეფორმის წარმატებით განხორციელებისა და შესაბამისად, სისტემის გაჯანსაღების პროცესში.

„ეს იყო ძალიან მნიშვნელოვანი შეხვედრა ბატონ ელჩთან. თქვენ მოგეხსენებათ, რამდენად სერიოზული თანამშრომლობა გვაკავშირებს ევროკავშირის წარმომადგენლობასთან. მე უშუალოდ ვიყავი ჩართული იმ ძალიან მნიშვნელოვან პროექტებში, რომელსაც ევროკავშირი აფინანსებს. თუმცა, მინისტრის რანგში ეს პირველი შეხვედრა იყო და ჩვენ შევთანხმდით, რომ გავაორმაგებთ, გავასამმაგებთ შეხვედრების ციკლს, როგორც თავად ელჩთან, ასევე აპარატთან, რათა მაქსიმალურად ეფექტურად გავაგრძელოთ იმ რეფორმის გზა, რომელიც ჩვენ სისტემაში დავიწყეთ“, - განაცხადა კახა კახიშვილმა.

თავის მხრივ, იანოშ ჰერმანი მინისტრის სამომავლო გეგმებით დაინტერესდა და კიდევ უფრო აქტიური და მჭიდრო ურთიერთთანამშრომლობის სურვილი გამოთქვა.

“ჩემთვის ძალიან სასიამოვნოა აქ ყოფნა და ბატონი მინისტრისთვის ახალი თანამდებობის მილოცვა. რა თქმა უნდა, ჩვენ ადრეც შევხვედრივართ ერთმანეთს, როდესაც მას სხვა პოზიცია ეკავა, თუმცა მასთან, როგორც სასჯელაღსრულებისა და პრობაციის მინისტრთან, ევროკავშირისა და სამინისტროს სამომავლო თანამშრომლობის გეგმების განხილვა ძალიან მნიშვნელოვანია. აქვე მინდა აღვნიშნო, რომ საქართველომ დიდი პროგრესი განიცადა ამ სფეროში. ევროკავშირის დელეგაცია აფასებს სამინისტროსთან თანამშრომლობას. ბევრი საინტერესო პროექტი მიმიდინარეობს, თუმცა, ვგეგმავთ ახალ ინფრასტრუქტურულ პროექტებსაც. ასევე, მინდა ხაზი გავუსვა, რომ ასოცირების ხელშეკრულების ფარგლებში მიღწეულ იქნა პროგრესი, აქედან გამომდინარე ჩვენ სამომავლო თანამშრომლობის ძალიან კარგი პერსპექტივა გვაქვს“, - განაცხადა იანოშ ჰერმანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის მართლმადიდებლურ ეკლესიაში მკვეთრად შეამცირდა იმ რუსების რიცხვი, რომლებიც საკუთარ თავს მართლმადიდებლებს უწოდებენ

გერმანიის შეიარაღებული ძალების მეთაური: რუსეთმა შესაძლოა ნატოს 2029 წელს შეუტიოს

ჰელსინკის აეროპორტის ფუნქციონირება დრონის გამო შეჩერდა

საუდის არაბეთმა ირანსა და ახლო აღმოსავლეთის ქვეყნებს შორის თავდაუსხმელობის შესახებ პაქტის გაფორმების წინადადება წამოაყენა - Financial Times