ეკონომიკისა და მდგრადი განვითარების მინისტრი ტურისტული ინდუსტრიის წარმომადგენლებს ხვდება. ნათია თურნავა კორონა ვირუსის ფონზე არსებული გამოწვევებს და მათი დარეგულირების საკითხს ტურიზმის სექტორთან ერთად განიხილავს.

შეხვედრას ესწრებიან ეკონომიკისა და მდგრადი განვითარების სამინისტროს და ტურიზმის ეროვნული ადმინისტრაციის ხელმძღვანელი პირები, ასევე სასტუმროების, ტურისტული სერვისების, ტურისტული ინდუსტრიის სხვა ჯგუფების წარმომადგენლები.

 „პრემიერ მინისტრმა ეკონომიკის სამინისტროს დაგვავალა, რაც შეიძლება მალე ჩაგვეტარებინა შეხვედრა ტურიზმის ინდუსტრიასთან. ჩვენ გვინდა, რომ უშუალოდ მათგან მოვისმინოთ, თუ რა პრობლემები დაუდგათ უკვე და რა მოლოდინები აქვთ სამომავლოდ, იმისთვის, რომ ჩვენც რაღაც ადეკვატურ ზომებზე ვიმსჯელოთ", - განაცხადა მინისტრმა მედიასთან შეხვედრის დაწყებამდე.

ნათია თურნავას თქმით, სახეზეა, რომ ტურიზმი, რომელიც ვირუსთან ბრძოლის ფრონტის წინა ხაზზე არსებული ინდუსტრიაა, უკვე გარკვეულ პრობლემებს განიცდის.

ამასთან, როგორც ნათია თურნავამ აღნიშნა, დღეს კორონავირუსის სახით არამარტო საქართველოში, არამედ მთელ მსოფლიოში უდგას ტურიზმის ინდუსტრიას გლობალური გამოწვევა, თუმცა, ძალიანაა გაძლიერებული სხვადასხვა ქვეყნის ერთობლივი ძალისხმევა ვირუსთან ბრძოლის მიმართულებით.

„ძალიან ბევრი რამ არის დამოკიდებული იმაზე, რომ მთლიანად მსოფლიო, რომელიც დღეს როგორც არასდროს, ისეა კონსოლიდირებული, თუ როგორ აღუდგება წინ ვირუსის გავრცელებას. და ამ თვალსაზრისით მინდა, რომ ოპტიმიზმი გამოვხატო - ძალიან გაძლიერებულია სხვადასხვა ქვეყნის ერთობლივი ძალისხმევა ვირუსთან ბრძოლის მიმართულებით და იმედი გამოვთქვა, რომ ეს პრობლემა მალე მოგვარდება", - აღნიშნა ეკონომიკის მინისტრმა.

ავტორი: NS (სტატია დაფინანსებულია),

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს