გურჯაანის საავადმყოფოს რეანიმაციული განყოფილების მიმართულებით, ამ დრომდე დაუდგენელმა პირმა ცეცხლსასროლი იარაღიდან რამდენჯერმე გაისროლა.

ინციდენტამდე რამდენიმე საათით ადრე, საავადმყოფოში 40 წლის მალხაზ ბადუაშვილი  ნაცემი შეიყვანეს, სადაც შესაბამისი დახმარება გაეწია.

ადგილობრივების თქმით, მამაკაცი თანასოფლელის მკვლელობის გამო წარსულში ნასამართლევია და მან სასჯელაღსრულების დაწესებულება ცოტა ხნის წინ დატოვა.

უკავშირდება თუ არა მომხდარი ფაქტი მის კრიმინალურ წარსულს, ამაზე საავადმყოფოში კომენტარს არ აკეთებენ.

მომხდარზე საუბარი არ სურთ არც ბადუაშვილის ოჯახის წევრებს.

როგორც „ექსპრესნიუსს“ შინაგან საქმეთა სამინისტროში განუცხადეს, მომხდარზე გამოძიება საქართველოს სისხლის სამართლის კოდექსის 187-ე მუხლით დაიწყო, რაც ნივთის დაზიანებას ან განადგურებას გულისხმობს.

ავტორი: ექსპრესნიუსი,

სოციალური ქსელები

სი ძინპინმა განაცხადა, რომ ჩინეთ-ჩრდილოეთ კორეის ურთიერთობები ახალ ისტორიულ ეტაპზე შევიდა

AI განათლება მომავლის შესაძლებლობებისთვის: თიბისისა და GAIA-ს ერთობლივი ინიციატივები

სტუდიო ლიბერთი Global Tech Weekend Tbilisi 2026-ის მთავარი პარტნიორია

მოსკოვში ავტომობილის აფეთქების შედეგად მოკლული გენერალი დამირ დავიდოვია, რომელიც სარაკეტო და არტილერიის დირექტორატის ხელმძღვანელობდა