2020-02-19 13:01:16, 1812 ნახვა
კომენტარი
სესიაშვილი გომელაურზე - უსაფრთხოების სექტორის შესახებ ინფორმაციას კარგად ფლობს
„მას აქვს ძალიან მნიშვნელოვანი გამოცდილება და კარგად ფლობს ინფორმაციას მთლიანად უსაფრთხოების სექტორში“, - ამის შესახებ თავდაცვისა და უშიშროების კომიტეტის თავჯდომარემ ირაკლი სესიაშვილმა განაცხადა.
მანვე აღნიშნა, რომ გომელაურმა ღირსეული სამსახური გაუწია როგორც სახელმწიფო უსაფრთხოების სამსახურს, ასევე შსს-ს.
„ბატონმა ვახტანგმა მართლაც გამოავლინა მაღალი პროფესიონალიზმი და ღირსეული სამსახური გაუწია როგორც სახელმწიფო უსაფრთხოების სამსახურს, ასევე შსს-ს. ცხადია, მას აქვს ძალიან მნიშვნელოვანი გამოცდილება და კარგად ფლობს ინფორმაციას მთლიანად უსაფრთხოების სექტორში. ამიტომ მისი დანიშვნა მისასალმებელია“, - განაცხადა ირაკლი სესიაშვილმა.
ცნობისთვის, დღეს ვახტანგ გომელაური საქართველოს ეროვნული უსაფრთხოების საბჭოს მდივნის თანამდებობაზე დაინიშნა.
ავტორი: ექსპრესნიუსი,
epn.ge (@expressnews.ge)
