„არ შეიძლება კულტურის სამინისტრო გაერთიანებული იყოს ისეთ სამინისტროსთან, როგორიც არის განათლების სამინისტრო“, - ამის შესახებ საქართველოს კულტურის პალატის პრეზიდენტმა დავით ოქიტაშვილმა განაცხადა.

მისი თქმით, კულტურისა და განათლების სამინისტროების გაერთიანებით, ძალიან ბევრი რამ გაფუჭდა.

„ჩემი ხელმოწერა იმიტომ არ არის, რომ მე ვემსახურები ქართულ კულტურას, მე ვარ სახელმწიფო სტრუქტურა, საქართველოს კულტურის პალატა და ჩემგან ეს იქნებოდა უხერხული. იმიტომ რომ მე გამოვდიოდი მხარე. მე უკვე პირველივე დღიდან, როდესაც ეს გაერთიანება მოხდა  წინააღმდეგი ვიყავი. არ შეიძლება კულტურის სამინისტრო გაერთიანებული იყოს ისეთ სამინისტროსთან, როგორიც არის განათლების სამინისტრო. მათთან შეერთებით, ძალიან ბევრი რამ გაფუჭდა.

მთელი მსოფლიო თუ ჩვენ გვიცნობს, გვიცნობს კულტურიდან. არავის საწყენად მე არ ვლაპარაკობ. ეს იყო უდიდესი შეცდომა, რომელმაც გამოიწვია დეგრადაცია ძალიან ბევრ დარგში და ძალიან ბევრი მიმართულებით“, - განაცხადა დავით ოქიტაშვილმა.

შეგახსენებთ, რომ 2018 წელს მთავრობაში სტრუქტურული ცვლილებები განხორციელდა, რომლის მიხედვითაც 13 სამინისტროს ნაცვლად დღეს 10 სამინისტრო და ერთი სახელმწიფო მინისტრის აპარატი არსებობს. აღმიშნული სტრუქტურული ცვლილებების დროს განათლების სამინისტროს კულტურისა და სპორტის უწყებები შეუერთდა.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს