მოძრაობა „შეცვალეს“ და „სირცხვილიას“ წევრები ტელეკომპანია „კავკასიის“ შენობასთან მხარდასაჭერ აქციას მართავენ.

ტელეკომპანიის შენობასთან „ევროპული საქართველოს“ წევრი ელენე ხოშტარიაც იმყოფება.

აქციის მონაწილეები სოლიდარობას უცხადებენ ყველა იმ ტელევიზიას, რომელთა ანგარიშებსაც გუშინ ინკასო დაედო.

„ბუნებრივია, ეს „ქართული ოცნების“ მარტივად დასანახი ხელწერაა, რომელსაც არ მოსწონს მასზე კრიტიკულად განწყობილი თავისუფალი მედია. უკვე დიდი ხანია ამ საქმეს აკეთებს. უკვე თითით ჩამოსათვლელი მედია დაგვრჩა, რომელსაც ვერ აკონტროლებს. ერთ-ერთი მათგანი ტელეკომპანია „კავკასიაა“, რომელსაც ძალიან უსამართლოდ ექცევა, რადგან ყველა არხი, რომელსაც დავალიანება აქვს უნდა იყოს თანაბარ პირობებში. „კავკასია“ იქნება პირველი, ვისაც დაარტყამენ და ამიტომაც მოვედით აქ. შემდეგ გადავალთ „ტვ პირველთანაც“ და ყველა იმ მედია საშუალებასთან დავდგებით გვერდით, თუმცა ჩვენი გვერდში დგომა საკმარისი არ არის და კიდევ მეტი სოლიდარობა უნდა იყოს ჟურნალისტების მხრიდან. ამაზე მთელი საზოგადოება უნდა დაფიქრდეს, რადგან ამ ეტაპზე, თავისუფალი მედიის გაჩუმება ტრაგედიაა“, - განაცხადა მოძრაობა „სირცხვილიას“ წევრმა გიგა მაქარაშვილმა.

როგორც აქციის მონაწილეები ამბობენ, ისინი მოგვიანებით ტელეკომპანია „კავკასიის“ შენობიდან „ტვ პირველის“ შენობასთანაც გადაინაცვლებენ.

შეგახსენებთ, რომ გუშინ ტელეკომპანიების: „რუსთავი 2“, „ტვ პირველი“ და „კავკასია“ ანგარიშებს ინსკასო დაედო.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს