მოძრაობა „გაბედე“ მთავრობის ადმინისტრაციის შენობასთან საპროტესტო აქციას მართავს.

აქციის მონაწილეები  15 წლის მოზარდის, ლუკა სირაძის თვითმკვლელობის ამბავს და ქვეყანაში  ბოლო დროს განვითარებულ მოვლენებს აპროტესტებენ.

როგორც აქციის ერთ-ერთი მონაწილე მიხეილ ქუმსიშვილი ამბობს, შინაგან საქმეთა მინისტრი ვახტანგ გომელაური თანამდებობიდან დაუყოვნებლივ უნდა გადადგეს და სისტემა ჯალათებისგან უნდა განიწმინდოს.

„ბატონმა გომელაურმა უნდა აიღოს პოლიტიკური პასუხისმგებლობა. თუმცა, მხოლოდ გომელაურის შეცვლით მთლიანი სისტემა არ შეიცვლება. გომელაური უბრალოდ არის ის ადამიანი, რომელმაც დაუყონებლივ პოლიტიკური პასუხისმგებლობა უნდა აიღოს მომხდარზე, უნდა გადადგეს და ამის შემდეგ უნდა დაიწყოს ძირეული, ფუძისეული წმენდა სისტემაში. როდესაც ვსაუბრობთ სისტემაზე, აქ საუბარია ზოგადად, მათ შორის ძალოვან უწყებებზე და სამინისტროებზე. ამიტომ, ბუნებრივია ამ ყველაფრის ლიდერი პრემიერ-მინისტრია. სისტემის ცვლილების რამდენიმე გზა არსებობს. არსებობს ძალისმიერი და არჩევნებისმიერი გზა. ჩვენ  ძალადობრივ მეთოდებს ვემიჯნებით. გვინდა, რომ სამართლიანი არცევნები არსებობდეს ქვეყანაში და სისტემა განიწმინდოს იმ ჯალათებისგან, ვინც გააუბედურა ათასობით ადამიანი“, - განაცხადა მიხეილ ქუმსიშვილმა.

ახალგაზრდა აქტივისტები საზოგადოებას მოუწოდებენ მხარი დაუჭირონ სისტემის ცვლილებას და საპროტესტო აქციას შეუერთდნენ.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს