„აუცილებლად  ვითხოვ პრემიერ-მინისტრთან პირად შეხვედრას და ვფიქრობ, რომ ეს ძალიან სწრაფად უნდა მოხდეს“,- ამის შესახებ ექიმ ვაჟა გაფრინდაშვილის მეუღლემ, თამილა ლაფანაშვილმა, ადვოკატთა ასოციაციაში გამართულ ბრიფინგზე განაცხადა.

როგორც მან აღნიშნა, ოჯახი ოკუპირებული ცხინვალის ე.წ. სასამართლოს გადაწყვეტილებას არ შეეგუება და ბრძოლას გააგრძელებს.

„ჩვენთვის, ისევე როგორც ყველასთვის, ძალიან დიდი შოკი და იმედგაცრუება იყო სამწუხაროდ, რაც მოხდა. ეს არის მაქსიმალური სასჯელი, რაც შეიძლება ყოფილიყო  გამოტანილი ვაჟასთვის, რომელსაც ჩვენ არაფრით არ შევეგუებით, რადგან ადამიანი ისჯება მხოლოდ იმ ისთვის, რისიც სჯერა. მას არანაირი კრიმინალი, არანაირი დანაშაული არ ჩაუდენია, ანუ ისჯება თავისი იდეებისთვის და სწორი იდეებისთვის, ჩვენ ვფიქრობთ, არა მარტო ჩვენი ოჯახი და გულშემატკივრები, არამედ, მე ვფიქრობ, მთელი ცივილიზებული საზოგადოება. ჩვენ ისევ მივმართავთ საერთაშორისო ორგანიზაციებს, მათ, ვინც იცავს ადამიანის უფლებებს, რადგან უნდა მოხდეს მაქსიმალური გააქტიურება და სასწრაფოდ უნდა გადაიჭრას ეს საკითხი. ეს არის ღირსების საქმე, არა მხოლოდ ჩვენთვის და ჩვენი სახელმწიფოსთვის, არამედ იმ საერთაშორისო ორგანიზაციების და იმ სახელმწიფოსთვის, რომლის უპირველესი ვალია ადამიანის უფლებების დაცვა და მისი იდეების გამო ციხეში გამოკეტვა სრულიად აბსურდია. ჩვენ ვგეგმავთ სხვადასხვა ბერკეტების გააქტიურებას რაც ხელგვეწიფება. ბრძოლა მაქსიმალურად იქნება გაგრძელებული, მაგრამ კონკრეტულ გეგმებს ამ წუთში ვერ მოგახსენებთ, აუცილებლად ვითხოვ პრემიერ-მინისტრთან პირად შეხვედრას და ვფიქრობ, რომ ეს ძალიან სწრაფად უნდა მოხდეს. დარწმუნებული ვარ, რომ სახელმწიფო გვერდში დაგვიდგება“,- განაცხადა თამილა ლაფანაშვილმა.

შეგახსენებთ, რამდენიმე საათის წინ, ოკუპანტების მიერ დაკავებულ ექიმს, ვაჟა გაფრინდაშვილს ცხინვალის ე.წ. სასამართლომ 1 წლითა და 9 თვით თავისუფლების აღკვეთა შეეფარდა.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს