„ქართული ოცნების“ თავმჯდომარის, ბიძინა ივანიშვილის ბიზნესცენტრთან, ვადამდელი პროპორციული არჩევნების ჩატარების მოთხოვნით, საპროტესტო აქცია მიმდინარეობს.

აქციას მოძრაობა „შეცვალეს“ წარმომადგენლები მართავენ.

მათ ადგილზე მუყაოს ჯიხური აქვთ მიტანილი, წარწერით „ბიძინა შედი ბუტკაში“.

„მან არც ერთი დაპირება არ შეასრულა. გადააგდო ქართველი ხალხი. ის ყოველთვის გვატყუებდა, ამიტომ გადავწყვიტეთ მოგვეტანა ბუტკა, გაგვეკეთებინა წარწერები ჩვენი მოთხოვნებით, საიდანაც ერთ-ერთი მთავარი მოთხოვნაა ის, რომ ბიძინა ივანიშვილი უნდა წავიდეს და უნდა მივიღოთ ვადამდელი პროპორციული არჩევნები. ბიძინა ივანიშვილი აუცილებლად შევა ბუტკაში, დატოვებს საქართველოს თავსი მონებთან ერთად, ჩვენ, საქართველო გააგრძელებს თავის ყოფა-ცხოვრებას ჯანსაღ გარემოში“, - განაცხადა მოძრაობა „შეცვალეს“ წევრმა, ნიკა ფარულავამ.

აქციის გამო, ივანიშვილის ბიზნესცენტრთან პოლიციაა მობილიზებული.

შეგახსენებთ, საპროტესტო ტალღა ქვეყანაში მას შემდეგ დაიწყო, რაც მმართველმა გუნდმა პროპორციული საარჩევნო სისტემის შესახებ კანონპროექტი ჩააგდო.

ავტორი: ექსპრესნიუსი,

სოციალური ქსელები

ივანიშვილის რეჟიმი ტუტუშკების მორალის პოლიციას აყალიბებს, რომლებიც მოქალაქეებს ღიად გაუსწორდება

რეჟიმის შსს ადასტურებს აქცის 10 მონაწილის დაკავებას ბანერების გამო

ბანერების გამო საპროტესტო აქციის მონაწილეები დააკავეს, პოლიციამ მომიტინგეებს სცემა

ბანერის ჭერის გამო თორნიკე თოშხუა წვრილმანი ხულიგნობის მუხლით დააკავეს