საქართველოსთვის ევროკავშირის წევრობის პერსპექტივის გაჩენა უმნიშვნელოვანესია და ამ მიმართულებით ევროკავშირის წევრი ქვეყნების მხარდაჭერას უდიდესი მნიშვნელობა აქვს, - ასე შეაფასა საქართველოს საგარეო საქმეთა მინისტრმა დავით ზალკალიანმა შვედეთის საგარეო უწყების ხელმძღვანელის ენ ლინდეს განცხადება, რომ ევროკავშირმა ღია უნდა დატოვოს კარი იმ ქვეყნებისთვის ვინც წევრობისკენ ისწრაფვიან და ამისთვის ყველაფერს აკეთებენ.

დავით ზალკალიანის განცხადებით თავის მხრივ საქართველოც თანმიმდევრულად მიუყვება ინტეგრაციის გზას და ყველაფერს აკეთებს ევროკავშირის საბოლოო წევრობის მისაღწევად.

აღმოსავლეთ პარტნიორობის სამიტის მოსამზადებელი საკითხები და ევროინტეგრაციის დღის წესრიგი საგარეო უწყების ხელმძღვანელმა შვედ კოლეგასთან შეხვედრის დროს კიდევ ერთხელ განიხილა.

„შვედეთში ვიზიტის დროს და აღმოსავლეთ პარტნიორობის მინისტერიალზე კიდევ ერთხელ მკაფიოდ დავაყენეთ საქართველოს ევროკავშირში ინტეგრაციის საკითხი. მნიშვნელოვანია, რომ ჩვენ გვაქვს შვედეთის ძალიან სერიოზული მხარდაჭერა, რაც ასევე იყო გაცხადებული საგარეო საქმეთა მინისტრთან შეხვედრაზე. მან აღნიშნა, რომ ევროკავშირის ღია კარის პოლიტიკა აუცილებლად უნდა იყოს შენარჩუნებულ, სწორედ ის განცხადებები, რომელიც გავაკეთე კონფერენციაზე, ამ მიმართულებით იყო გაკეთებული, სადაც იყო აღნიშნული ის პროგრესი, რომელიც საქართველომ გაიარა ევროკავშირში ინტეგრაციის გზაზე. ჩენ ვართ აღიარებული როგორც ლიდერი აღმოსავლეთ პარტნიორობის წევრ ქვეყნებს შორის, მაგრამ ჩვენ ეს არ გვაკმაყოფილებს. ჩენ აუცილებლად გვინდა, რომ საქართველოს წინ იაროს საბოლოო მიზნისკენ, რაც არის ევროკავშირში გაწევრიანება. ამიტომ, ევროკავშირის მხრიდან ევროკავშირის პერსპექტივის გაჩენა უაღრესად მნიშვნელოვანია ქვეყნისთვის, რაც ჩვენ გვეხმარება კონსოლიდაციაში,  საზოგადოების გაერთიანებაში და კიდევ უფრო თამამი ნაბიჯებით წინსვლაში. ეს აუცილებელია, ძალიან მკაფიოდ იქნა ჩემს მიერ აღნიშნული, რომ ჩვენთვის მნიშვნელოვანია ახალი მიზანი და ეს მიზანი არის ევროკავშირში საბოლოო გაწევრიანება. სწორედ ეს მიზანი გვეხმარება რეფორმების კიდევ უფრო აქტიურ გატარებაში, ასევე ჩემი მხრიდან იყო აღნიშნული, რომ აუცილებელია თანმიმდევრულად ვიაროთ ევროკავშირის საერთო ბაზრისკენ, იმისთვის რომ გაიხსნას კარი ევროკავშირის 4 თავისუფლებისკენ და ბუნებრივია, ჩვენ ჩვენი საშინაო ქმედებით, იმ მიმართულებებით, რომელიც განსაზღვრული გვაქვს ევროკავშირის საგზაო რუკაში, თანმიმდევრულად განვაგრძობთ ამ გზას და ბუნებრივია, როგორც იყო აღნიშნული ჩემს მიერ ამ კონფერენციაზე, საქართველო, რადგანაც მას აქვს საზოგადოების ძალიან ძლიერი მხარდაჭერა, გააგრძელებს თანმიმდევრულ სვლას ევროკავშირისკენ“, - აღნიშნა დავით ზალკალიანმა.

ავტორი: ექსპრესნიუსი,

სოციალური ქსელები

გაზსადენზე მომხდარი ავარიის გამო დიღომში, დიდ დიღომსა და გლდანის რაიონში 4600 აბონენტს გაზის მიწოდება შეუწყდა

მერიამ ე.წ. დეზერტირების ბაზრის მიმდებარედ გარემოვაჭრეების დახლები აიღო

სასამართლომ „ფორმულა“ გოგა ხაინდრავასთვის „მორალური ზიანის მიყენების გამო“ 10 000 ლარით დააჯარიმა

იავნანა ქართულის 1-ელი გაკვეთილი, BOG-ის ინიციატივა საზღვარგარეთ მცხოვრები ბავშვებისთვის