ხელისუფლება თავისი კორუფციული მიზნებისათვის ბიუჯეტს ფლანგავს - ასე გამოეხმაურა ფრაქცია „ნაციონალური მოძრაობის“ თავმჯდომარე რომან გოცირიძე „საქსტატის“ მიერ დღეს გამოქვეყნებული ინფლაციის დონის მონაცემებს.

მისი თქმით, ხელისუფლება ბიუჯეტიდან ასეულობით მილიონს პოპულისტური საარჩევნო მიზნებისათვის იყენებს.

„ხელისუფლება თავისი კორუფციული მიზნებისათვის ეწევა ბიუჯეტის ფლანგვას. ამ ბიუჯეტის შემთხვევაში, რომელიც ხელისუფლებამ ახლახანს მიიღო ასეულობით მილიონი უყაირათოდ და არაეფექტიანად იფლანგება. ამ ხარჯების დიდი ნაწილი მიმართულია პოპულიტური საარჩევნო მიზნებისათვის. ფასების ზრდა და ლარის კურსის ვარდნა ვერ შეჩერდება, რადგან რადიკალური ზომების მიღებაა საჭირო. ხელისუფლება, რომელიც მომავალი არჩევნებისთვის აკეთებს ყველაფერს და არჩევნების შემდეგ არ აინტერესებს არც ხალხის, არც ქვეყნის და არც ეკონომიკის ბედი არის უპასუხისმგებლობა ხელისუფლება“, - განაცხადა რომან გოცირიძემ.

შეგახსენებთ, "საქართველოს სტატისტიკის ეროვნული სამსახურის" მიერ დღეს გამოქვეყნებული მონაცემებით, 2019 წლის ოქტომბერში წინა თვესთან შედარებით ინფლაციის დონემ საქართველოში 0.8%, ხოლო წლიური ინფლაციის დონემ 6.9% შეადგინა.

გიორგი ჩაფიძე

ავტორი: ექსპრესნიუსი,

სოციალური ქსელები

მარტა კოსი: დღეს ევროკავშირის გაფართოებისთვის „სუპერ სამშაბათია“ - ჩვენ მოლდოვასა და უკრაინასთან მე-6 კლასტერს ვხსნით

სუს: 9 რეგიონში ჩატარებული ღონისძიების შედეგად, დაკავებული და სისხლის სამართლის პასუხისგებაში მიცემულია 28 პირი

ფოთი - ჭადრაკის ქალაქი. საქართველოს ბანკი ფოთის საჭადრაკო კლუბის მთავარი მხარდამჭერია

საქართველოს ბანკი ქმნის ინკლუზიურ საბანკო მომსახურებას