ეკონომიკისა და მდგრადი განვითარების მინისტრი ნათია თურნავა რუსული კომპანია "სიბირის"  მიერ ქუთაისიდან ფრენებს განხორციელების ფაქტს ეხმაურება. 

მინისტრის განცხადებით, ამ ეტაპზე იმის დადასტურება, რომ საქართველო-რუსეთს შორის პირდაპირი საჰაერო ფრენები აღდგა, შეუძლებელია. 

როგორც ნათია თურნავამ ჟურნალისტებს განუმარტა, იმისათვის, რომ ფაქტის დადასტურება მოხდეს, საქართველოს საჰაერო ადმინისტრაციამ შესაბამისი შეტყობინება უნდა მიიღოს, რაც მინისტრის თქმით, ამ დრომდე არ მომხდარა. 

"არა ერთხელ გვითქვამს, რომ ჩვენ მხოლოდ და მხოლოდ მივესალმებით თუკი რუსეთის ოფიციალური წრეები გადახედავენ მიღებულ გადაწყვეტილებას და აღდგება პირდაპირი საჰაერო მიმოსვლა საქართველოსა და რუსეთს შორის. რა ფაქტსაც ასახელებთ, გავრცელდა რუსულ მედიაზე დაყრდნობით. ეს ჯერჯერობით არ ნიშნავს ფრენების აღდგენას, იმიტომ რომ ამისთვის არსებობს რიგი ფორმალური პროცედურები და ჩვენ საჰაერო ადმინისტრაციას არ მიუღია შეტყობინება, რომ ფრენები აღდგენილია. აქედან გამომდინარე, ამ ეტაპზე ვერ დავადასტურებთ, რომ ეს არის ფრენების აღდგენა, მაგრამ კიდევ ერთხელ ვიტყვი, რომ გადაწყვეტილების მიღების შემთხვევაში ფაქტს მივესალმებით", - განაცხადა ნათია თურნავამ.

ცნობისთვის, რუსული მედიით გავრცელდა ინფორმაცია, რომ კომპანია "სიბირი" ქუთაისიდან ფრენებს განახორციელებს. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა

ALDE: ოცნებამ უნდა უზრუნველყოს, რომ ელენე ხოშტარიამ მიიღოს მკურნალობა, რომელიც სჭირდება