საქართველოს ეროვნული ბანკის ინფორმაციით, 2019 წლის სექტემბერში ქვეყანაში შემოსული ფულადი გზავნილების ნაკადების მოცულობამ 149.8 მილიონი დოლარი შეადგინა, რაც 2018 წლის სექტემბრის ანალოგიურ მაჩვეებელზე 13.9%-ით (18.3 მილიონი დოლარით) მეტია.

სებ-ის ცნობით, უცხოეთიდან საქართველოში ფულადი გზავნილების 94.0% იმ 18 უმსხვილეს პარტნიორ ქვეყანაზე მოდის, საიდანაც ასეთი გზავნილების მოცულობამ სექტემბერში 1 მილიონ დოლარს გადააჭარბა. იმავე 18 ქვეყანაზე გასული წლის სექტემბერში მთელი ფულადი გზავნილების 94.3% მოდიოდა.

იმ ქვეყნების ჩამონათვალი, საიდანაც ყველაზე მეტი ფულადი გზავნილი შემოვიდა სექტემბერში, ასე გამოიყურება:

1. რუსეთი - 36.3 მლნ აშშ დოლარი, მთლიანი გზავნილების 24.24%, კლება 3.70%
2. იტალია - 21.08 მლნ, გზავნილების 14.07%, ზრდა 27.19%
3. საბერძნეთი - 15.92 მლნ, გზავნილების 10.63%, ზრდა 12.34%
4. აშშ - 15.39 მლნ, გზავნილების 10.28%, ზრდა 8.37%
5. ისრაელი - 13.55 მლნ, გზავნილების 9.05%, ზრდა 8.40%
6. თურქეთი - 8.18 მლნ, გზავნილების 5.46%, ზრდა 13.16%
7. გერმანია - 4.38 მლნ, გზავნილების 2.92%, ზრდა 29.17%
8. უკრაინა - 4.28 მლნ, გზავნილების 2.85%, ზრდა 87.56%
9. ესპანეთი - 3.48 მლნ, გზავნილების 2.32%, ზრდა 3.44%
10. ყაზახეთი - 2.93 მლნ, გზავნილების 1.95%, ზრდა 101.01%

ამასთან, 2019 წლის სექტემბერში საქართველოდან საზღვარგარეთ 20.5 მილიონი დოლარი გადაიგზავნა, რაც 2018 წლის სექტემბრის ანალოგიურ მაჩვენებელთან შედარებით 6.5%-ით მეტია.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

„ამ კონფლიქტის ბუნება გაურკვეველია.“ ​​ტოკაევმა პუტინს მოუწოდა, შეეწყვიტა ომი უკრაინაში

ზუგდიდში სამხედრო მოსამსახურეს ეძებენ

სალომე ზურაბიშვილი- რეჟიმი ქვეყანას ვერ მართავს, მგონი რუსეთში გაიქცნენ

ელექტროენერგიის მასშტაბური გათიშვის გამო ყოფილ მინისტრს ივანიშვილის გუნდთან კითხვები აქვს