"გამარჯვებული საქართველოს" წევრის გურამ ჩალაგაშვილის შეფასებით, მისი დაკავება მთავრობისადმი გამოთქმულ კრიტიკას უკავშირდება. 

ამასთან, როგორც ჩალაგაშვილმა აღნიშნა, მიუხედავად იმისა, რომ მისი შეშინება სურთ, ის უკმაყოფილების გამოთქმას მაინც გააგრძელებს. 

"ეს ყველაფერი არის ფარსი, ეს ყველაფერი არის ის რომ ჩალაგაშვილი უნდოდათ რაღაცით შეეშინებინათ, მეტი არაფერი. მინდა მოსახლეობას ვუთხრა ერთი რამ, რომ თუ ისხდებიან საკუთარ მანქანაში უკანა სავარძელზე და გექნებათ ფანჯარა ოდნავ ჩამოწეული და მოგინდებათ სიმართლის თქმა, რომ ბიძინა ივანიშვილი არის სისხლის მსმელი და მოიხსენიებთ მას აუგად, ამ შემთხვევაში აუცილებლად მესამე სართულზე 50 მეტრში მდგარ კორპუსში, ვიღაც გაიგებს ამ ხმას, გაეღვიძება, შეწუხდება, გამოვა და იტყვის რომ შენ ხარ დამნაშავე. აი ეს არის დღევანდელი სამართალი, ეს არის ამათი მტკიცებულება. 
სამი თვის განმავლობაში ამას ვამბობ რომ სუს-ის მანქანა დამყვება უკან. სამი დღეა მანქანა გავყიდე და გაცოფდნენ, ამოხტდნენ შარვლებიდან, ჯიბეებიდან, ნასკებიდან, ტუფლებიდან - ვერ მიპოვეს. საბოლოო ჯამში მანქანით მივდიოდი, უკან ვიჯექი და მოპირდაპირე მხრიდან მომავალმა პატრულმა, ეტყობა უცებ მიიღო შეტყობინება, უცებ მოატრიალა მანქანა, გაგვაჩერა და ჰოი საოცრებავ! თუ დამეკისრა ჯარიმა, აუცილებლად ჩავდებ კონვერტში გავუგზავნი ბიძინას ფოსტით, ბევრი აქვს ფული და გადაიხადოს", - განაცხადა გურამ ჩალაგაშვილმა. 

ცნობისთვის, შინაგან საქმეთა სამინისტროს ინფორმაციით, გურამ ჩალაგაშვილი წვრილმანი ხულიგნობის ბრალდებით იყო დაკავებული. დღეს პოლიტიკოსის სასამართლო პროცესიც გაიმართა, რის შემდეგაც ის დარბაზიდან გაათავისუფლეს. 

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა