გაერთიანებული ერების ორგანიზაციის გენერალური ასამბლეის დასკვნით დღეს, რუსეთის საგარეო საქმეთა მინისტრმა სერგეი პრეს-კონფერენცია გამართა.

პრესკონფერენციაზე მას საქართველოს მიმართულებით ავიამიმოსვლისა და ქართველ კოლეგასთან შეხვედრის შესახებ ჰკითხეს.

როგორც ლავროვმა აღნიშნა, მას ეს კითხვა, თუ როდის აღდგება ავია რეისები, საქართველოს საგარეო საქმეთა მინისტრმა შეხვედრაზე დაუსვა, რომელიც ქართულმა მხარემ მოითხოვა.

მისი განმარტებით, ამ გადაწყვეტილების მიღების მომენტში, რუსულმა მხარემ აღნიშნა, რომ ეს ზომა დროებითი იქნებოდა და რომ მოსკოვს არასდროს სურდა ხელოვნური მიზეზების გამონახვა საქართველოსთან საჩხუბრად.

„მე მას ვუთხარი, რომ რუსეთი არასდროს ეძებდა ხელოვნურ საბაბს საქართველოსთან წასაკიდებლად. თუ საქართველოს ხელისუფლება შეძლებს პასუხისმგებლობით მოეკიდოს საკუთარ პოზიციას ურთიერთობის ნორმალიზების შესახებ და განავითაროს იგი, მაშინ მე პირადად ავიამიმოსვლას აღვადგენდი“, - განაცხადა ლავროვმა.

ლავრივმა ასევე დასძინა, რომ ახლა, თუ საქართველოს ხელისუფლება გამოავლენდა პასუხისმგებლიან დამოკიდებულებას რუსეთთან ურთიერთობების განვითარებისა და ნორმალიზაციისთვის რუსული მხარის სასარგებლოდ, რუსეთი ამ ნაბიჯს [ავია მიმოსვლის აღდგენა] გადადგამდა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ

მასშტაბური კორუფციის გამო მერიამ „რიყის დოქების“ დანგრევა გადაწყვიტა - აბესაძე

რუსეთში, ბენზინის დეფიციტის გამო, საავადმყოფოებისთვის, სახანძრო სამსახურებისთვის და საზოგადოებრივი კომუნალური კომპანიებისთვის საწვავის შესყიდვა შეფერხდა

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times