პარლამენტის დამოუკიდებელი დეპუტატის ეკა ბესელიას განცხადებით, მის მიერ ინიცირებულ სასამართლო სისტემაში არსეული „კლანური“ მმართველობის თაობაზე რეზოლუციის პროექტთან ერთად, აუცილებელია შეიქმნას სასამართლო სისტემაში არსებული ვითარების შემსწავლელი სპეციალური კომისია.

ბესელიას განცხადებით,  დროებითი კომისიის ფუნქცია სასამართლო სისტემაში არსებული პრობლემების შესწავლა იქნება.

„ჩვენ ვითხოვთ, რომ პარლამენტმა შეფასებასთან ერთად აუცილებლად უნდა გადადგას კონკრეტული ნაბიჯები, რომლითაც სასამართლოში არსებული კონკრეტული პრობლემები დაიძლიოს, საჭიროა სპეციალური დადგენილებით შეიქმნას სასამართლო სისტემაში არსებული ვითარების შემსწავლელი სპეციალური კომისია. ეს იქნება დროებითი კომისია, რომელშიც შევლენ საპარლამენტო, არასაპარლამენტო, საექსპერტო, პროფესიული წრეების წარმომადგენლები. ამ კომისიას 2020 წლის პირველ თებერვლამდე უნდა მიენიჭოს მანდატი და მიეცეს მას შესაძლებლობა შეისწავლოს სასამართლო სისტემაში არსებული მმართველობითი კუთხის პრობლემები, „კლანური“ მმართველობის პრობლემები და კონკრეტული სამოქმედო გეგმა დადგინდეს, რომელიც აუცილებელია იმისთვის, რომ გაჯანსაღდეს სასამართლოში არსებული პრობლემები და ეს ნეგატიური შედეგები, რაც დარჩა აღმოიფხვრას, 2020 წლის 20 აპრილამდე პარლამენტმა უნდა გაატაროს შესაბამისი საკანონმდებლო ცვლილებები. მათ შორის, ჩვენი ინიციატივა იყო, რომ გადაიხედოს მოსამართლეთა უვადოდ დანიშვნის პროცედურა და გარკვეული დროით მორატორიუმი გამოცხადდეს იმისთვის, რომ ამ პერიოდში დასრუდეს სასამართლო რეფორმა და შემოვიდნენ ახალი მოსამართლეები, რომლებიც შეძლებენ დაძლიონ წარსულის ნეგატიური მოვლენები“, - განმარტა დეპუტატმა.

როგორც ბესელიამ აღნიშნა, იმედი აქვს, რომ მის მიერ დღეს წამოყენებულ რეზოლუციას პარლამენტი მხარს დაუჭერს.

„რეზოლუციის პროექტი დღეს იქნება ინიცირებული. ის პარლამენტს უკვე ორშაბათიდან კომიტეტებში განსახილველად წარედგინება და ამ რეზოლუციის მხარდაჭერას ჩვენ ველოდე ბით არამხოლოდ ოპოზიციური ძალების მხრიდან, არამედ იმედი მაქვს რომ მმართველ პარტიაშიც ის გამბედავი დეპუტატები, რომლებიც ხმას მისცემენ ამ რეზოლუციას“, - აღნიშნა ეკა ბესელიამ. 

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times

ევროკავშირმა VK-სა და Max Messenger-ის წინააღმდეგ სანქციები დააწესა

ფოთი - ჭადრაკის ქალაქი საქართველოს ბანკი ფოთის საჭადრაკო კლუბის მთავარი მხარდამჭერია

საქართველოს ბანკის ივლისის PLUS შეთავაზებები - დააგროვეთ მეტი PLUS ქულა ყოველდღიურ გადახდებზე