სახელმწიფო დაცვის სპეციალური სამსახურის უფროსი ანზორ ჩუბინიძის განცხადებით, 20-21 ივნისის მოვლენებთან დაკავშირებით პროკურატურაში ორჯერ იმყოფებოდა.

როგორც მან ჟურნალისტებს განუცხადა, სახელმწიფო დაცვის სპეციალური სამსახურის თანამშრომლებს აღნიშნულ ღამეს არანაირი იარაღი მითუმეტეს ლეტალური არ გამოუყენებიათ.

„პროკურატურას აინტერესებდა ჩვენ რა დონეზე ვმონაწილეობდით და ვიყავით ჩართულები, ასევე პირადად, ჩემთან ჰქონდათ კითხვები. პარლამენტის შენობა არის სახელმწიფო დაცვის დასაცავი ერთ-ერთი უმნიშვნელოვანესი ობიექტი. მე მითითებებს მხოლოდ და მხოლოდ გავცემდი სახელმწიფო დაცვის სპეციალური სამსახურის თანამშრომლებისთვის. მე სროლაზე ბრძანებას საერთოდ არ გავცემდი. ის რომ სახელმწიფო დაცვის თანამშრომელები განლაგებულები იყვნენ შესასვლელთან, ეს ასე იყო და ასე იქნება. სანამ მე ვიქნები ხელმძღვანელი, მე მონაწილეობას ყოველთვის მივიღებ კანონსაწინააღმდეგო ქმედებაში. ჩემი სამსახურის თანამშრომლებს არანარი იარაღი, მითუმეტეს ლეტალური არ გამოუყენებიათ. გამოძიებამ ყველანარი პასუხი უნდა გასცეს საზოგადოების კითხვებს. არავინ არ გაექცევა პასუხისმგებლობას, მათ შორის არც მე.  პროკურატურაში 2-ჯერ ვიყავი და ყველა მათ შეკითხვას პასუხი გავეცი, რაც შეეხება პოლიტიკურ შეფასებებს, მე არ მაქვს ასეთ საკითხებზე ლაპარაკის უფლება“, - აღნიშნა ანზორ ჩუბინიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა