„პატრიოტთა ალიანსის“ ერთ-ერთი ლიდერი ირმა ინაშვილი საერთაშორისო კონფერენციაზე მისვლის მიზეზებს განმარტავს.

 როგორც ინაშვილმა აღნიშნა, მას, როგორც პარლამენტის წევრს უფლება აქვს ნებისმერ კონფერენციას დაესწროს.

„საქართვველოს პარლამენტის წევრს უფლება აქვს გადაადგილდეს ქვეყნის მასშტაბით, თავისუფლად შევიდეს  ყველა შენობასა და დაწესებულებაში და მიიღოს მონაწილეობა ნებისმიერ კონფერენციაში. დღეს დამსწრე საზოგადოების ნაწილმა უპატივცემლობა გამოიჩინა. მე მგონი საშიში არაფერი არ არის და პოლიტკური დემოკრატია ნიშნავს იმას, როცა გუშინ მთელი სამი საათი ბატონი ბოკერია საუბრობდა ჩემზე და უამრავი დამახინჯებული ინფორმაცია მიაწოდა ჩვენს საერთაშორისო პარტნიორებს, მეც უფლება მაქვს მოვიდე და მოვითხოვო რამდენიმე წუთიანი მოხსენების გაკეთება.

ჟურნალისტის კითხვაზე, თუ რატომ მოვიდა ზუსტად იმ პანელზე, სადაც რუსეთის ფედერაციის პოლიტიკას განიხილავდნენ, ინაშვილმა აღნიშნა, რომ გაცილებით ადრე მივიდა, თუმცა არაა წინაღმდეგი კომენტარი აღნიშნულ ფორმატში გააკეთოს.

„მე გაცილებით ადრე მოვედი, ვიდრე ე.წ. რუსული პანელი დაიწყებოდა და წინაღმდეგი არ ვარ ამ პანელის ფორმატში გავაკეთო ჩემი კომენტარი. რუსულ პანელზე გამოდიან ამერიკელები, თქვენ მიგაჩნიათ, რომ  ეს საზოგადოება, რომელიც ახლა რუსულ პანელში მონაწილეობს, რუსეთის აგენტები არიან?! ამ კითხვას მისვამთ?! მოვედი იმიტომ რომ ჩვენს საერთაშორისო პარტნიორებს ვუთხრა, პოლიტიკოსი, რომელიც გუშინ აქ „პატრიოტთა ალიანსზე“ საუბრობდა და ჩვენ სხვადასხვა იარლიყებს გვაკერედა არის მწამებელი. ბოკერია-სააკაშვილი წარმოადგენდა იმ რეჟიმს, რომელიც კლავდა ადამიანებს, არბევდა საპროტესტო აქციებს“, - აღნიშნა ირმა ინაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კობახიძემ მოიტყუა როცა თქვა, რომ 2011 წლის აქციის დარბევაზე დასავლეთს და ევროპულ სტრუქტურებს რეაქცია არ ჰქონიათ

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა