ატლანტიკური საბჭოს ვიცე-პრეზიდენტის დეიმონ უილსონის განცხადებით, რუსეთი ცდილობს საქართველოს საკითხი დასავლეთის თვალში დააკნინოს, - ამის შესახებ უილსონმა "ამერიკის ხმის" ქართულ რედაქციასთან ინტერვიუში განაცხადა. 

როგორც უილსონმა აღნიშნა, საქართველომ ყველაფერი უნდა გააკეთოს, რათა დაანახოს, რომ ქვეყანაში დემოკრატია იზრდება. 

"ჩვენ ვხედავთ, რომ ქვეყნის დიდი ნაწილი ოკუპირებულია. ვხედავთ ამ მცოცავი ბორდერიზაციის პროცესს, გამყოფი ხაზის გამყარებას, ვფიქრობ ეს ნამდვილი სირცხვილია. ჩვენ შეჩვეულები ვართ, რომ რუსეთი აქა-იქ გვცდის და ამოწმებს როგორი რეაქციები მოჰყვება ამ ქმედებებს. ამიტომ, ვფიქრობ, რომ მნიშვნელოვანია მედია, საქართველოს ხელისუფლება, სამოქალაქო და საერთაშორისო საზოგადოება ამ საკითხზე ფოკუსირებული დარჩეს, დაგმოს ეს და დაამშვიდოს ხალხი, იმით, რომ მას ხედავენ, რომ ყურადღება ნამდვილად არის მიპყრობილი, რომ ეს ყველაფერი ჩუმად არ მოხდება და უპასუხოდ არ დარჩება. ვფიქრობ კრემლის წარმომადგენლებს ესმით, რომ საქართველოს, როგორც ქვეყნის წარმატებას საშინაო საკითხებში პირდაპირ უკავშირდება ტრანსატლანტიკურ ალიანსებში გაერთიანების მისწრაფებებს და სურვილს, რომ ევროპისა და ნატოს უფრო მჭიდროდ დაკავშირებული ნაწილი იყოს. მათი სტრატეგიის მიზანია, რომ საქართველოში ბალანსი დაირღვას. რუსეთს აქვს მოტივი, მიზანი აჩვენს, რომ საქართველო ვერ წყვეტს საკუთარ ბედს, რომ ეს კვლავ სახიფათო საკითხია. სუსტი, დაყოფილი საქართველოს წარმოდგენა ეხმარება მათ იმაში, რომ საქართველოს საკითხი დასავლეთის თვალში დაკნინდეს. ამის სურვილი კი, მხოლოდ ერთ აქტორს აქვს და ეს კრემლია. ჩართულობა უნდა შევინარჩუნოთ. უნდა გვქონდეს ინფორმაცია და ყურადღების ცენტრში უნდა დავტოვოთ ეს საკითხი. საქართველომ უნდა შეძლოს და აჩვენოს, რომ მისი დემოკრატია იზრდება. მას შეუძლია ნატოელ მოკავშირეებთან და ევროკავშირის წევრ ქვეყნებთან კარგად თანამშრომლობა. ახლა მნიშვნელოვანია, რომ გამყოფი ხაზის ორივე მხარეს ალტერნატივები შექმნა, აჩვენო როგორია თავისუფალ ქვეყანაში ცხოვრება, რომელსაც შეუძლია ჰქონდეს კეთილდღეობა", - განაცხადა უილსონმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

კობახიძემ მოიტყუა როცა თქვა, რომ 2011 წლის აქციის დარბევაზე დასავლეთს და ევროპულ სტრუქტურებს რეაქცია არ ჰქონიათ

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა