თავდაცვის მინისტრის თინა ხიდაშელის განცხადებით, მისთვის უმრავლესობის დეპუტატის გოგი ქავთარაძის აზრი ნატო-სთან დაკავშირებით მიუღებელია.

მისივე თქმით, ქავთარაძეს აქვს აქვს სრული თავისუფლება, გამოიყენოს პარლამენტის ტრიბუნა ნებისმიერი განცხადების გასაკეთებლად.

„ეს არის გოგი ქავთარაძის აზრი, სამწუხარო აზრია, მაგრამ მისი აზრია. საქართველო დემოკრატიული ქვეყანაა, ამის გამო აღარავის აღარ იჭერენ და ციხეში არ სვამენ, განსხვავებით, სამი წლის წინანდელი დროისა. გოგი ქავთარაძის აზრი ჩემთვის, როგორც თავდაცვის მინისტრისთვის, როგორც კოალიცია „ქართული ოცნების“ მინისტრისთვის და როგორც საქართველოს მოქალაქისთვის მიუღებელია, მაგრამ მას აქვს სრული თავისუფლება გამოიყენოს პარლამენტის ტრიბუნა ნებისმიერი განცხადების გასაკეთებლად, რომელიც მას ექნება. ზუსტად ისევე, როგორც დავით დარჩიაშვილს აქვს ყველანაირი უფლება იყოს უსინდისო და მუდმივად იყოს დაკავებული იმით, რითაც დღეს დაკავდა პარლამენტის სხდომათა დარბაზში. ლოგიკა იპოვონ, როდესაც ერთის მხრივ ამბობენ, რომ საქართველოს ხელისუფლებას ბიძინა ივანიშვილი მართავს და ყველა გადაწყვეტილებას ის იღებს, ანუ რა გამოდის - მე რომ თავდაცვის მინისტრად დავინიშნე, ეს გადაწყვეტილება ბიძინა ივანიშვილმა მიიღო და იმავდროულად, ამბობენ, რომ გოგი ქავთარაძემ ეს განცხადება რომ წაიკითხა, ესეც ბიძინა ივანიშვილმა დაუწერა. ეს ორი ამბავი ერთად როგორ გამოდის, იქნებ ჩამოყალიბდნენ და მერე ისაუბრონ“, - განაცხადა თინა ხიდაშილმა.

ცნობისთვის, საპარლამენტო უმრავლესობის წევრმა გოგი ქავთარაძემ დღეს პარლამენტის რიგგარეშე სხდომაზე ნატო-სთან დაკავშირებით განცხადება გააკეთა.

„რას გვახვეწნინებენ ამ ნატოში შესვლისათვის?! დავიჯერო ნატოს წევრი ქვეყნებიდან ზოგიერთი უფრო მეტად იმსახურებს ნატოს წევრობას? შეხედეთ, როგორ იბრძვიან ჩვენი ბიჭები ნატოს ჯარისკაცების მხარდამხარ. თუ გვიფიქრია იმაზე, რომ ჩვენს მეზობელ ქვეყნებში ჩუმად ქირქილებენ, როდესაც უყურებენ, როგორ ვიხვეწებით ჩვენ ნატოში გაწევრიანებაზე, ისინი კი არ გვიღებენ. როგორც ამბობენ, ადამიანის მსგავსად ქვეყანასაც აქვს თავმოყვარეობა“, - განაცხადა გოგი ქავთარაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ

ნიუ-იორკის სასამართლომ ქართველ ნაცისტს ყასაბის სახელით ცნობილ იხეილ ჩხიკვიშვილს 15 წლით თავისუფლების აღკვეთა მიუსაჯა