საგარეო საქმეთა მინისტრის მოადგილემ, ლაშა დარსალიამ საქართველოში ევროკავშირის, აშშ-ის, გერმანიის, დიდი ბრიტანეთისა  და საფრანგეთის დიპლომატიური მისიების წარმომადგენლებთან შეხვედრა გამართა.

საგარეო უწყების ინფორმაციით, შეხვედრის მიზანს წარმოადგენდა საერთაშორისო პარტნიორებისათვის გორის მუნიციპალიტეტის სოფელ გუგუტიანთკარში რუსეთის საოკუპაციო ძალების მიერ ხელოვნური ბარიერების აღმართვის პროცესის შესახებ ინფორმაციის მიწოდება. საგარეო საქმეთა მინისტრის მოადგილემ აღნიშნა, რომ საოკუპაციო ხაზზე მსგავსი უკანონო ქმედებები კიდევ უფრო ამძიმებს ადგილზე არსებულ ისედაც რთულ ვითარებას უსაფრთხოებისა და ჰუმანიტარული კუთხით და ზღუდავს კონფლიქტით დაზარალებული მოსახლეობის გადაადგილების თავისუფლებას.

შეხვედრაზე ხაზი გაესვა საერთაშორისო თანამეგობრობის მტკიცე მხარდაჭერის მნიშვნელობას არსებულ გამოწვევებთან გამკლავებისა და კონფლიქტის მშვიდობიანი დარეგულირების პროცესში. თავის მხრივ, უცხოელმა დიპლომატებმა კიდევ ერთხელ დაადასტურებს საქართველოს სუვერენიტეტის, ტერიტორიული მთლიანობისა და სამშვიდობო პოლიტიკის ურყევი მხარდაჭერა.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის