ფრაქცია „ევროპული საქართველოს“ თავმჯდომარე გიგი წერეთელი ეროვნული ვალუტის მკვეთრი გაუფასურების გამო ხელისუფლებას აკრიტიკებს და აცხადებს, რომ მმართველ გუნდს შექმნილ ვითარებაზე პასუხისმგებლობის აღება არ სურს. 

წერეთელმა დასძინა, რომ ხელისუფლება სხვაზე გადაბრალების პოლიტიკით ხელმძღვანელობს. 

„ფაქტია, რომ დღეს არსებულ მძიმე ეკონომიკურ ვითარებას ხელისუფლება არაადეკვატურად პასუხობს. ლარის გაუფასურების გამო, პრაქტიკულად ყველა პროდუქტის გაძვირებაა მოსალოდნელი, რაც კიდევ უფრო გააღარიბებს ჩვენ მოსახლეობას. იმის ნაცვლად, რომ ჩვენ ვისმენდეთ მთავრობის წარმომადგენლებისგან პრობლემის მოგვარების გზებს ან ჩამოყალიბებულ,თუნდაც მოკლევადიან ანტიკრიზისულ გეგმას, ვხედავთ მხოლოდ სხვაზე გადაბრალების პოლიტიკას. ამ შემთხვევაში ძალიან სუსტ არგუმენტებს, რომ ლარის დევალვაცია არის საზოგადოების პროტესტის შედეგი ან რუსეთიდან ტურისტების ნაკადის მკვეთრი შემცირების“, - განაცხადა გიგი წერეთელმა.

დეპუტატის განმარტებით, ლარის გაუფასურების მთავარი მიზეზი არასწორი ეკონომიკური პოლიტიკა და საბიუჯეტო ხარჯები, ასევე არასწორი რეგულაციები და საბანკო ჩარევებია. 

"საზოგადოებას კარგი მეხსიერება აქვს და ახსოვს, რომ აქციები ქვეყანაში თვეების განმავლობაში იმართებოდა და ასეთი რამ ეროვნულ ვალუტას არ დამართნია. ასეთი რამ არ მომხდარა, როდესაც რუსეთმა ინტერვენცია განახორციელა 2008 წელს. რაც შეეხება ტურისტთა ნაკადს, ტურისტების ზრდის მიუხედავად, ლარი უფასურდებოდა ბოლო წლების განმავლობაში. აქედან გამომდინარე, აქ სხვა მიზეზებზე უნდა იყოს საუბარი, რატომ მცირდება ინვესტიციები და ვერ ხდება ეკონომიკის სტიმულირება და დივერსიფიცირება, რატომ არ არის ქვეყანაში სასამართლოს მიმართ ნდობა, რატომ ებრძვის ხელისუფლება მისთვის არასასურველ პოლიტიკურ ოპონენტებს და მედიას,რატომ მიიტანა იერიში ყველაზე დიდ საბანკო სტრუქტურაზე და კონკრეტულად ბიზნესმენებზე, ხაზარაძე-ჯაფარიძე მყავს მხედველობაში. ეს ფაქტორები და ამას დამატებული არასწორი ეკონომიკური პოლიტიკა და საბიუჯეტო ხარჯები, არასწორი რეგულაციები და საბანკო ჩარევები ნეგატიურად მოქმედებს ეკონომიკაზე და ლარი არის ამის მთავარი ინდიკატორი. ამიტომ გამოსავლის ძიება გადაბრალებაში არ არის. გამოსავალი არის კრიტიკული ანალიზის შედეგად სწრაფი, კომპეტენტური ნაბიჯების გადადგმა. ხელისუფლება უნდა გრძნობდეს პასუხისმგებლობას და ის გუნდი, რომელიც ამ ამოცანას ვერ ართმევს თავს აუცილებლად უნდა შეიცვალოს“, - განაცხადა გიგი წერეთელმა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .

ვენსი შვეიცარიაში ირანთან მოლაპარაკებებისთვის ჩავიდა

მზია ამაღლობელი - ელენე ხოშტარიას მდგომარეობის დაიგნორება გაუჭირდებათ - მინდა მას ვუთხრა, რომ მარტო არ არის