"ნაციონალური მოძრაობის" წევრი სალომე სამადაშვილი "თიბისი ბანკის" დამფუძნებლის მამუკა ხაზარაძისა და მისი მოადგილის ბადრი ჯაფარიძის მიმართ ბრალის წარდგენას ქვეყანაში პოლიტიკური დევნის ახალი ეტაპის დაწყებად აფასებს. 

სამადაშვილი მიიჩნევს, რომ ხელისუფლება ცდილობს, ერთი მხრივ, ჩაშალოს ანაკლიის პროექტი და მეორე მხრივ, შეაჩეროს პოლიტიკურ ასპარეზზე კონკურენტის შემოსვლა მამუკა ხაზარაძის და ბადრი ჯაფარიძის სახით.

"პროკურატურამ, ფაქტობრივად, დაიწყო დევნა ჯაფარიძის და ხაზარაძის წინააღმდეგ. ერთი ეს იყო ხაზარაძის განაცხადი, რომ ის აპირებს პოლიტიკურ ასპარეზზე შემოსვლას და მეორე, ჩვენ ვნახეთ ქალბატონი ცქიტიშვილის განცხადება, რომ ანაკლიასთან დაკავშირებით არაფერი არ ხდება. ანუ დაადასტურა, ფაქტობრივად, მან, რომ ანაკლიის პროექტის ჩაშლა იგეგმება ხელისუფლების მხრიდან. თუ გავითვალისწინებთ იმას, რომ შეერთებული შტატებიდან საკმაოდ მკაცრი გზავნილები გაიცა ამ თემაზე, დღეს მათთვის ძალიან მნიშვნელოვანია ხაზარაძის განეიტრალება, მყარდება დიქტატორული რეჟიმი, სადაც პოლიტიკურ ალტერნატივას არსებობის უფლებას ბიძინა ივანიშვილი, როგორც ჩანს, აღარ აპირებს, რომ მისცეს და მეორე, ეს არის ძალიან მნიშვნელოვანი სიგნალი იმის, რომ ქვეყანა ფორმალურადაც კი ეხსნება პროდასავლურ მიმართულებას“, - განაცხადა სალომე სამადაშვილმა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .

ვენსი შვეიცარიაში ირანთან მოლაპარაკებებისთვის ჩავიდა

მზია ამაღლობელი - ელენე ხოშტარიას მდგომარეობის დაიგნორება გაუჭირდებათ - მინდა მას ვუთხრა, რომ მარტო არ არის