საგარეო საქმეთა სამინისტროს წარმომადგენელი ვლადიმერ კონსტანტინიდი აცხადებს, რომ დავით გარეჯის საკითხზე აზერბაიჯანულ მხარესთან მოლაპარაკებების პროცესი განახლდა.

კონსტანტინიდის განმარტებით, ადგილზე იგეგმება ექსპერტების გასვლა და აზომვითი სამუშაოები, რომელიც ყველა საერთაშორისო სტანდარტის მიხედვით ჩატარდება.

„გარკვეული პაუზის შემდეგ განახლდა საქართველო-აზერბაიჯანის ერთობლივი კომისიის მუშაობა. ეს პაუზა ობიექტური მიზეზებით იყო გამოწვეული, შემადგენლობა იყო გასაახლებელი. როგორც კი განახლდა შემადგენლობა, პირველი რაუნდი აზერბაიჯანის დედაქალაქში ჩატარდა. შეხვედრა კონსტრუქციულ და სამუშაო ატმოსფეროში გაიმართა, როგორც ეს ჩვენს ურთიერთობებს აზერბაიჯანთან შეესაბამება. დღეისათვის, აზერბაიჯანულ მხარესთან ინტენსიური კომუნიკაცია მიმდინარეობს იმისთვის, რომ შემდეგი რაუნდის ნაბიჯები შეთანხმდეს. იცით, რომ იგეგმება ექსპერტების ადგილზე გასვლა, აზომვითი, ტექნიკური სამუშაოები და ა.შ. ყველა არსებული სადემარკაციო საერთაშორისო პრაქტიკის შესაბამისად, ყველა საკითხი გადაწყდება სწორედ ამ ერთობლივი კომისიის მუშაობის ფარგლებში. დღეს მიმდინარეობს კომუნიკაცია, რომ ორივე მხარე შეთანხმდეს მომდევნო რაუნდის ნაბიჯებზე და თარიღებზე, მხოლოდ აზერბაიჯანულ მხარესთან შეთანხმებით. გასათვალისწინებელია, რომ ერთი შეხვედრა, ერთი რომელიმე ნაწილი სამუშაოსი არ არის გათვლილი იმაზე, რომ საბოლოო შედეგები მივიღოთ. ბევრი შეხვედრა იქნება გასამართი იმისათვის, რომ კონკრეტულ შედეგებზე გავიდეთ“, - განაცხადა ვლადიმერ კონსტანტინიდმა.

ავტორი: ექსპრესნიუსი,

სოციალური ქსელები

ვეტერანი სენატორი, რესპუბლიკელი ლინდსი გრემი გარდაიცვალა

ჩერგოლეიშვილი – ღნავიან, სასამართლოს დაწვის ამოცანით შენობაში შეჭრილ ელისაშვილს ამდენი წელი რატომ მიუსაჯესო, ამ უპასუხისმგებლო არსების ჰეროიზაციას ახდენენ

წინასწარ შემიძლია ვთქვა, რომ ზარალი იქნება დიდი – კახეთის რწმუნებული ადიდებულ მდინარეზე

თელავში უხვი ნალექის შედეგად დაიტბორა საცხოვრებელი სახლებისა და შენობების პირველი სართულები