რუსთაველის გამზირზე აქცია #სირცხვილიას მე-13 დღე პერფორმანსით დასრულდა. აქციაზე შემოიტანეს მუმია ავტომატით ხელში. პერფორმანსის ავტორის, გიორგი ყოლბაიას თქმით, მუმია ხელისუფლების სიმბოლოა. როგორც მან განმარტა, მუმია შემაღლებული ადგილიდან იყურება, სწორედ ისე, როგორც ხალხს ბიძინა ივანიშვილი უყურებს. აქციაზე შეკრებილმა მოქალაქეებმა მუმია წითელი საღებავით შეღებეს, რაც 20 ივნისს დაღვრილი სისხლის სიმბოლოა.

"სხვადასხვა წვრილ-წვრილი კომპანიები თავის დეპარტამენტის რაღაც ნაწილებს გადმოიტანენ. გავაკეთებთ დიდ ტენტს ე.წ. თანასამუშაო სივრცეს... ჩვენ ამ ყველაფრიდან შევქმნით ერთ დიდ ავტონომიურ პროექტს, აქ იჯდება ბევრი ხალხი და იმუშავებს იმაზე, რაც ყველას გვინდა. იქნება ყოველკვირეული დაკიდული თარიღი, როცა ძალიან დიდი მარშით გავივლით ხოლმე და გავაგონებთ ხელისუფლებას ჩვენ ხმას", - თქვა აქციის ერთ-ერთმა ორგანიზატორმა შოთა დიღმელაშვილმა.

მისივე თქმით, ხუთშაბათს პარლამენტის წინ გრანდიოზული კონცერტი გაიმართება, ხოლო 6 ივლისს იგეგმება ფართომასშტაბიანი მსვლელობა.

ავტორი: ექსპრესნიუსი,

სოციალური ქსელები

ვეტერანი სენატორი, რესპუბლიკელი ლინდსი გრემი გარდაიცვალა

ჩერგოლეიშვილი – ღნავიან, სასამართლოს დაწვის ამოცანით შენობაში შეჭრილ ელისაშვილს ამდენი წელი რატომ მიუსაჯესო, ამ უპასუხისმგებლო არსების ჰეროიზაციას ახდენენ

წინასწარ შემიძლია ვთქვა, რომ ზარალი იქნება დიდი – კახეთის რწმუნებული ადიდებულ მდინარეზე

თელავში უხვი ნალექის შედეგად დაიტბორა საცხოვრებელი სახლებისა და შენობების პირველი სართულები