საქართველოს ფინანსთა მინისტრი ივანე მაჭავარიანი მიიჩნევს, რომ მიმდინარე მოვლენები საქართველოს ეკონომიკაზე მწვავედ ისახება და ლარის გაუფასურება სწორედ ამის დამსახურებაა.

მაჭავარიანი აღნიშნავს, რომ მართალია დაანონსებული ემბარგოსა და ტურისტული ნაკადის აკძალვას ეკონომიკისთვის ჯერ მნიშვნელოვანი დარტყმა არ მიუყენებია, თუმცა ამის მოლოდინი არსებობს.

„მე არ მჩვევია პათოსური გამოსვლები, მაგრამ არა მარტო პასუხისმგებლობას ვგრძნობ, არამედ ძალიან მაგრად მტკივა ეს ამბები, რადგან ზუსტად ვიცი, არასტაბილურობის ასეთი ხარისხი რა ძვირი ჯდება. მე კარგად ვიცი ყოველი ლარის ფასი, იქნება ეს ტურიზმიდან თუ ექსპორტიდან. გულწრფელად ვიტყვი - ძალიან მენანება ის, რომ ჩვენ სერიოზული ეკონომიკური პრობლემები გაგვიჩნდეს ამდაგვარი მოვლენებით. ჩვენ შევხედავთ როგორ განვითარდება მოვლენები. ჯერჯერობით მატერიალიზებული არაფერი არ არის, მათ შორის არც ემბარგო. ტურისტული ნაკადების შემცირება მინიმალურია, თუმცა მოლოდინები მძიმეა. იმედი მაქვს რომ ეს მოლოდინები არ რეალიზდება სრული მასშტაბით. დღეს ლართან მიმართებაში რაც ხდება, სწორედ ამ მოლოდინების ანარეკლია. ერთმნიშვნელოვნად. მე იმედს ვიტოვებ რადიკალიზმი და ეს ისტერია დაიწევს და ნორმალურ რეჟიმში გადავალთ, მითუმეტეს ამის მოლოდინები არსებობს, იქნება ეს პროპორციული არჩევნების ინიციატივა თუ საერთაშორისო პარტნიორების ჩართულობა ამ პროცესში. ეს არის იმის გარანტია, რომ შემდეგი არჩევნები იქნება გაცილებით უფრო ხელმისაწვდომი პოლიტიკური ძალების მიმართ, შესაბამისად არანაირი საფუძველი იმისა, რომ დესტაბილიზაციის ეს ხარისხი იყოს ქვეყანაში, არ არსებობს“, - განაცხადა ივანე მაჭავარიანმა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია