„როდესაც პოლიციას ვიღაცა ადანაშაულებს იმაში, რომ მათ დაიწყეს მშვიდობიანი აქციის დარბევა, ეს უბრალოდ სიმართლეს არ შეესაბამება“, - ამის შესახებ შინაგან საქმეთა მინისტრმა გიორგი გახარიამ მედიასაშუალებების წარმომადგენლებთან შეხვედრისას განაცხადა.

გახარია აღნიშნავს, რომ პარლამენტის წინ აქციის მიმდინარეობისას 22:00-დან 00:00 საათამდე პოლიციის კორდონიდან მოქალაქეებმა 30 პოლიციელი გაიტაცეს.

„19:00-დან 22:00 საათამდე ეს აქცია აბსოლუტურად მშვიდობიანი იყო. 22:00 საათიდან 00:00 საათამდე პოლიციელებს ჰქონდათ ერთადერთი საშუალება - მხოლოდ და მხოლოდ ფარებით გაეწიათ წინააღმდეგობა იმ თავდასხმებზე, რომელსაც ახორციელებდნენ. ამ დროის განმავლობაში , ამ კორდონიდან, იმიტომ, რომ მათ არ ჰქონდათ უფლება მიცემული გამოეყენებინათ რაიმე სახის სპეცაღჭურვილობა, გატაცებული იყო 30 პოლიციელი, რომელთა მდგომარეობა მათმა კოლეგებმა არც იცოდნენ, ისე იყო ეს ხალხი აქციის მონაწილეების მიერ გატაცებული. ღამის 2 საათამდე პოლიციას არ დაუტოვებია პარლამენტის პერიმეტრი. როდესაც პოლიციას ვიღაცა ადანაშაულებს იმაში, რომ მათ დაიწყეს მშვიდობიანი აქციის დარბევა, ეს უბრალოდ სიმართლეს არ შეესაბამება. ღამის 2 საათამდე პოლიციას პარლამენტის პერიმეტრი არ დაუტოვებია, ისინი ერთი ნაბიჯით წინ არ წამოსულან, არ გასულან პარლამენტის პერიმეტრს მიღმა და, ლოგიკურად, ისინი ვერავის თავს ვერ დაესხმეოდნენ. ღამის 2 საათამდე ეს ხალხი აკეთებდა მხოლოდ და მხოლოდ ერთ რამეს: იცავდა პარლამენტის შენობას და როგორც შეძლებდა, იცავდა ერთმანეთს და საკუთარ თავს ჯგუფური, ორგანიზებული თავდასხმებისგან. რა თქმა უნდა, უკიდურესად მძიმეა იმის გააზრება, რომ ამ ღონისძიების დროს ჩვენ გვყავს უამრავი რიგითი მოქალაქე დაშავებული. რა თქმა უნდა, ამ ადამიანებზე ზრუნვა ჩვენი მუდმივი ვალდებულება იქნებ , - არ ვსაუბრობ პერსონალურ ემოციებზე, ეს სახელმწიფოს ვალდებულებაა. მაგრამ, სახელმწიფოს ერთმნიშვნელოვანი ვალდებულებაა, ასევე, რომ იზრუნოს სახელმწიფო ინსტიტუტებზე, იზრუნოს კონსტიტუციაზე და არ მისცეს საშუალება ორგანიზებულ, ფიზიკურად მოძალადე ჯგუფებს ხელჰყონ ისეთი მნიშვნელოვანი ინსტიტუტები, როგორიცაა პარლამენტი. ჩვენ თუ ამაზე არ შევთანხმდით, ჩვენი დემოკრატიული განვითარების შინაარსი საერთოდ კითხვის ნიშნის ქვეშ დადგება“, - განაცხადა გიორგი გახარიამ.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია