პრემიერ-მინისტრი მამუკა ბახტაძე 20-21 ივნისს პარლამენტის შენობასთან განვითარებულ მოვლენებში "ნაციონალურ მოძრაობას" ადანაშაულებს. 

როგორც პრემიერმა დღეს მედიასთან გამართულ შეხვედრაზე განაცხადა, მოქალაქეებმა რუსი დეპუტატების ვიზიტთან და პარლამენტის თავმჯდომარის სავარძლის დაკავებასთან დაკავშირებიტ გულრწფელი პროტესტი ჰქონდა, თუმცა "ნაცმოძრაობამ" ეს პროტესტი სათავისოდ გამოიყენა. 

"7 წელია, ისინი ჩაუსაფრდნენ საკუთარ ქვეყანას და ხალხს. ისინი ელოდნენ, რომ ვიღაცას ფეხი დაუცდებოდა და დიახ, სამწუხაროდ ჩვენ ფეხი დაგვიცდა. მიუხედავად იმისა, რომ მართლაც ის, რაც ჩვენ ვიხილეთ, ეს იყო სრულიად მიუღებელი ნებისმიერი ქართველისთვის. ერი რომელიც მრავალსაუკუნოვანი ისტორიის განმავლობაში იბრძვის მთავარი ფასეულობისთვის - თავისუფლებისთვის, ეს იყო უმძიმესი სანახავი. ამან გამოიწვია გულწრფელი პროტესტი ჩვებს მოქალაქეებში და თითოეული ჩვენთაგანი არის ამ პროტესტის სოლიდარული. ჩვენ იმავე დღეს მივეცით ამას ძალიან მკაცრი რეაქცია. ეს ასამბლეა თუ კონფერენცია იქნა შეწყვეტილი და ყველა დელეგაციამ დატოვა თბილისი. შემდეგ, საღამოს, ჩვენ ამავე დროს ვიხილეთ გულწრფელი პროტესტი ჩვენი მოქალაქეების. ამავე დროს ვიხილეთ, რომ დესტრუქციული ძალა ჩაერთო და ყველამ დაინახა, რომ ეს ძალა ცდილობდა თავისი პროვოკაციული მიზნებისთვის გამოეყენებინა ეს პროტესტი", - განაცხადა მამუკა ბახტაძემ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია