„ევროპული საქართველოს“  ლიდერი გიგა ბოკერია  აცხადებს, რომ პარლამენტში შესვლა  ვერ ხერხდება და  აქციის მონაწილეებს სიმშვიდისკენ მოუწოდებს.

ბოკერია პოლიციელებსაც მიმართავს, ვითარების პროვოცირებას  ხელი არ შეუწყონ.

“რაც შეეხება აბსოლუტურად საფუძვლიანად გაბრაზებულ მოქალაქეებს, მე მინდა მოვუწოდო თითოეულ მათგანს, რომ დავრჩეთ მთლიანად ჩარჩოებში, მშვიდობიან ჩარჩოებში, როგორც ეს იყო მთელი დღის განმავლობაში. პარლამენტში შესვლასთან დაკავშირებით, სამარცხვინოდ იქცეოდა ხელისუფლება მთელი დღის განმავლობაში დეპუტატებს არ უშვებდა, მაგრამ ჩვენ ვხედავთ, რომ მშვიდობიანი შესვლა აქ ვერც მოხერხდება იმდენი პოლიციაა მობილიზებული. ამიტომ მოვუწოდოთ მათ და ეს მათი გადასაწყვეტი არის ზოგაგდად რა გზას აირჩევენ, ჩვენ არ ვართ აქციის ორგანიზატორები, მაგრამ მოვუწოდებთ მათ, რომ თავი შეიკავონ ამ ტიპის მოქმედებებისგან ყველგან, სადაც ეს შესაძლებელია. მოვუწოდებ პოლიციას, რომ არ შეუწყონ ხელი ვითარების პროვოცირებას, როგორი პროვოკაციაც იყო მელიას დაკავების მცდელობისას რამდენიმე საათით ადრე“, - განაცხადა გიგა ბოკერიამ.

ცნობისთვის, პარლამენტთან ვითარება უკიდურესად დაიძაბა. სპეცრაზმი აქციის მონაწილეების წინააღმდეგ ცრემლსადენ გაზს და რეზინის ტყვიებს იყენებს. დაპირისპირების შედეგად ათობით მოქალაქე დაშავდა. დაშავებულები არიან სამართალდამცველებს შორისაც. ადგილზე სასწრაფო სამედიცინო დახმარების ეკიპაჟებია მობილიზებული.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია