ანაკლიის განვითარების კონსორციუმს საინვესტიციო ხელშეკრულებით გათვალისწინებული ვალდებულებების შესრულების ვადა 2019 წლის ბოლომდე გაუგრძელდება, - ამის შესახებ საქართველოს პრემიერ-მინისტრმა მამუკა ბახტაძემ მთავრობის სხდომის დაწყებამდე გამართულ ბრიფინგზე განაცხადა.

მან აშშ-ში ვიზიტის ფარგლებში, კომპანია SSA Marine-სთან შეხვედრაზე გაამახვილა ყურადღება და აღნიშნა, რომ მსგავსი კომპანიების მიერ ანაკლიის პორტის მიმართ ინტერესი ძალიან მნიშვნელოვანია.

„დღეს მთავრობა იმსჯელებს და მიიღებს გადაწყვეტილებას ანაკლიის განვითარების კონსორციუმისთვის საინვესტიციო ხელშეკრულებით გათვალისწინებული ვალდებულებების შესრულების ვადების კიდევ ერთხელ გადაწევასთან დაკავშირებით, კერძოდ, 2019 წლის ბოლომდე. ჩვენ გვქონდა ძალიან მნიშვნელოვანი და ნაყოფიერი შეხვედრა ქალაქ სიეტლში, კომპანია SSA Marine-თან, რომელიც ერთ-ერთი ყველაზე მსხვილი ამერიკული კომპანიაა და ის განიხილება ანაკლიის პორტის ოპერატორ კომპანიად. ჩვენ სწორედ მსგავსი მასშტაბის და პროფილის  კომპანიები გვსურს იყოს უფრო მეტად წარმოდგენილი საქართველოში კრიტიკული ინფრასტრუქტურის განვითარების კუთხით. ძალიან მნიშვნელოვანია რომ მსგავსი კომპანიები ამჟღავნებენ ინტერესს ანაკლიის პორტის მიმართ. შეხვედრა იყო ძალიან ნაყოფიერი და შედეგებზე ორიენტირებული. ჩვენ ჯერ კიდევ მაისის შუა რიცხვებში, ფინანსურ ინსტიტუტებთან შეხვედრისას, შევთანხმდით, რომ კონსორციუმი მოახდენდა ინფორმირებას იმ ვადებთან დაკავშირებით, რაც შეიძლება მათ დასჭირდეთ იმისთვის, რომ  საბოლოოდ შეიძლება მოხდეს ფინანსური ნაწილის დახურვა ინვესტორების მხრიდან და ამ ინფორმირების შედეგად ჩვენ დღეს მივიღებთ გადაწყვეტილებას და წლის ბოლომდე გავუხანგძლივებთ კონსორციუმს ამ საბოლოო ვადას“, - განაცხადა მამუკა ბახტაძემ.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია