„თქვენმა თავისუფლებისმოყვარე ქვეყანამ ევროკავშირსა და ნატოში ინტეგრაციისკენ მიმართული ამბიციური რეფორმების განხორციელების გზაზე მნიშვნელოვან პროგრესს მიაღწია. საქართველო ასევე გამოკვეთილი ლიდერია აღმოსავლეთ პარტნიორობაში მონაწილე ქვეყნებს შორის", - ამის შესახებ ლიეტუვას რესპუბლიკის საგარეო საქმეთა მინისტრი ლინას ლინკევიჩუსი საქართველოს დამოუკიდებლობის დღესთან დაკავშირებით გამოგზავნილ წერილში წერს, სადაც ის თავის ქართველ კოლეგას, დავით ზალკალიანს და ქართველ ხალხს წარმატებასა და კეთილდღეობას უსურვებს.

 წერილში ნათქვამია, რომ ლიდერის პოზიციის შენარჩუნებისთვის საქართველოს უამრავი გამოწვევის დაძლევა მოუწევს. „მინდა დაგარწმუნოთ, რომ ლიეტუვა კვლავაც გულითადად დაუჭერს მხარს საქართველოს ევროპულ და ევროატლანტიკურ მისწრაფებებს" - წერს ლინას ლინკევიჩუსი.

წერილში გამოთქმულია იმედი, რომ ლიეტუვასა და საქართველოს შორის არსებული მეგობრობა კიდევ უფრო განმტკიცდება, რასაც ხელს შეუწყობს ადამიანებს შორის კონტაქტების გაღრმავება, ვაჭრობის სტიმულირება და ქვეყნებს შორის მაღალი დონის დიალოგის გაძლიერება.

ავტორი: ექსპრესნიუსი,

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა