"ევროპული საქართველოს" ლიდერი დავით ბაქრაძე აღნიშნავს, რომ დავით გარეჯის პრობლემა კონსტრუქციული მოლაპარაკების გზით, და არა " ურა პატრიოტული მჯიღების ქნევით" უნდა მოგვარდეს. დეპუტატი აღნიშნავს, რომ ამ პრობლემის მოსაგვარებლად სახელმწიფომ ყველანაირი რესურსი უნდა გამოიყენოს - თუნდაც მიხეილ სააკაშვილის სახით. 

"რა თქმა უნდა, დავით გარეჯი საქართველოს ისტორიის, ჩვენი კულტურის და სულიერების ძალიან მნიშვნელოვანი ნაწილია. ამიტომ, თითოეული გაუაზრებელი განცხადება, ურა პარტიოტული მჯიღების ქნევა აზიანებს დავით გარეჯის პრობლემის გადაწყვეტას, სტრატეგიულ და მეგობრულ ურთიერთობებს საქართველოს და აზერბაიჯანს შორის, და პირდაპირ ეწინააღმდეგება საქართველოს სახელმწიფო ინტერესებს. ეს, პირველ რიგში, ქალბატონ ზურაბიშვილს ეხება, რომელმაც რასაც მიეკარა, ყველაფერი გააფუჭა და დააზიანა. ასევე,  ეხება ყველას. გამოსავალი ერთია: საქართველოს და აზერბაიჯანს შორის არსებული პარტნიორული, მეგობრული, ძმური ურთიერთობის გათვალისწინებით დავიწყოთ საქმიანი, კონსტრუქციული მოლაპარაკება და მოლაპარაკების გზით გადავჭრათ ის პრობლემა, რომელიც ჯერ კიდევ საბჭოთა კავშირის დროიდან ნაღმადაა ჩადებული საქართველოს და აზერბაიჯანის ურთიერთობას შორის. 
ნებისმიერი ადამიანის ჩართულობა,  რომელსაც რაიმე რესურსი გააჩნია, რომ ამ პროცესში დადებითი როლი შეასრულოს, იქნება პოზიტიური. არა მხოლოდ ყოფილი პრეზიდენტის მხრიდან, არამედ დღეს მოქმედი დეპუტატების, კულტურის მოღვაწეების მხრიდანაც . ჩვენ ყველამ ერთად უნდა ვიმუშაოთ იმაზე, რომ აზერბაიჯანულ მხარესთან ჩვენი კეთილმეგობრული ურთიერთობები გამოვიყენოთ და ასე მოვაგვაროთ ეს საკითხი. ამიტომ, მე ვერ ვხედავ პრობლემას, რომ სურვილის შემთხვევაში ნებისმიერი ადამიანის რესურსი იქნას გამოყენებული. ყველა უნდა ვიყოთ მზად, რომ ჩვენი წვლილი შევიტანოთ, ოღონდ კონსტრუქციულად და არა ურა პატრიოტული მჯიღის ცემით,როგორც ეს ზურაბიშვილის შემთხვევაში მოხდა, რითაც, რეალურად დააზიანა და შექმნა დღევანდელი პრობლემა", -განაცხადა დავით ბაქრაძემ.

ავტორი: ექსპრესნიუსი,

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა