„ზუგდიდში, სადაც მე გახლდით წინასაარჩევნო პერიოდში, ყველაფერი აინტერესებდა ჩვენს პოლიტიკურ ოპონენტს - „ნაციონალურ მოძრაობას“, გარდა ზუგდიდის არჩევნების შედეგისა",- ამის შესახებ პარლამენტის ვიცე-სპიკერმა ზვიად ძიძიგურმა პარლამენტის პლენარულ სხდომაზე განაცხადა.

ძიძიგურმა 19 მაისის შუალედური არჩევნების დროს ზუგდიდში განვითარებულ მოვლენებზე ისაუბრა და აღნიშნა, რომ ამ ქალაქში „ნაციონალური მოძრაობა“ ისევ რევოლუციური სცენარის განვითარებას ცდილობდა

"სახეზე იყო ისევ რევოლუციური სცენარის განხორციელება, სახეზე იყო მცდელობა, რომ როგორმე არეულობა მომხდარიყო. ერთადერთი ქალაქი, სადაც „ნაციონალური მოძრაობის“ მიერ ასეთი ტიპის სცენარი იყო შემოთავაზებული, ეს იყო ზუგდიდი. სხვაგან ყველგან არჩევნებმა ჩაიარა მშვიდად. მეორე ტური გვაქვს მთაწმინდაზე, მაგრამ იქაც ყველაფერი პოლიტიკური სტანდარტების დაცვით ხორციელდება.

ვფიქრობ, სამხედრო გადატრიალებიდან 27 წლის შემდეგ ისევ გვაქვს კითხვაზე პასუხი გასაცემი: ყველანი განვიხილავთ, რომ მხოლოდ არჩევნების გზით უნდა შეიცვალოს ხელისუფლება თუ ისევ რევოლუციებზე, სამხედრო გადატრიალებებზე ვფიქრობთ? ეს 2020 წლის არჩევნებისთვის ძალზე მნიშვნელოვანი იქნება. ყველა პოლიტიკურმა ძალამ, მმართველი პარტიიდან დაწყებული და ოპოზიციური პარტიებით დამთავრებული, უნდა დააფიქსიროს საკუთარი დამოკიდებულება ხელისუფლების შეცვლასთან დაკავშირებით. ვფიქრობ, ამ ქვეყანაში არავითარი რევულიციისა და სამხედრო გადატრიალების მოხდენა აღარ შეიძლება, ჩვენი ქვეყანა ამას მეტად ვეღარ გაუძლებს“, - განაცხადა ძიძიგურმა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია