18 აპრილი ძეგლებისა და ისტორიული ადგილების საერთაშორისო დღეა. ამ დღესთან დაკავშირებით, აჭარის კულტურული მემკვიდრეობის დაცვის სააგენტოს ორგანიზებით, გამოფენა და სამეცნიერო სემინარი გაიმართა, რომელსაც  აჭარის მთავრობის თავმჯდომარე ესწრებოდა.

თორნიკე რიჟვაძემ კულტურული მემკვიდრეობის მნიშვნელობაზე ისაუბრა.

„კულტურული მემკვიდრეობის დღე საერთაშორისო მასშტაბით აღინიშნება. ჩვენს ქალაქს და რეგიონს ძალიან ძვირფასი საგანძური აქვს, რომელიც საჭიროებს გაფრთხილებას. მინდა გითხრათ, რომ ვგეგმავთ ბევრ სიახლეს, რომელიც ახალ სიცოცხლეს შესძენს იმ კულტურული მემკვიდრეობის ძეგლებს, რომელიც ქალაქში გვაქვს. მაქსიმალურად ვმუშაობთ, რომ განხორციელდეს დონაციები, იყვნენ ჩართული საერთაშორისო ექსპერტები და ამ ქალაქმა არ დაკარგოს კულტურული მემკვიდრეობის ის ღერძი, ის სული, რომელიც ჩვენს თვითმყოფადობას, ჩვენს ისტორიას კიდევ უფრო საინტერესოს ხდის. წელსვე მოვახდენთ დაახლოებით ათამდე კულტურული მემკვიდრეობის ძეგლის რესტავრაციას"- განაცხადა მთავრობის თავმჯდომარემ.

ძეგლებისა და ისტორიული ადგილების საერთაშორისო დღეა 1983 წელს იუნესკოსა და იკომოსის გადაწყვეტილებით დაწესდა და მას მთელ მსოფლიოში 1984 წლიდან აღნიშნავენ.

ამ დღესთან დაკავშირებით აჭარის კულტურული მემკვიდრეობის დაცვის სააგენტოს ინიციატივითა და ორგანიზებით საგანმანათლებლო კვირეული ჩატარდება. კვირეულის ფარგლებში დღეს გამოიფინა აფხაზეთის კულტურული ძეგლების თემატიკაზე  შექმნილ ფერწერული ნამუშევრები. სტუმრებს შეეძლოთ დაეთვალიერებინათ ბათუმელი მხატვრების მიერ ამ დღისთვის შექმნილი  აჭარაში არსებული ძეგლების ფერწერული ტილოები. სპეციალურად მოწყობილ ეთნო კუთხეში ტრადიციული აჭარული  კერძი ,,ბორანო'' მომზადდა. მოგეხსენებათ, აღნიშნული კერძის მომზადების წესსა და ტრადიციას მიმდინარე წელს, არამატერიალური კულტურული მემკვიდრეობის ძეგლის სტატუსი მიენიჭა.

ღონისძიებას აჭარის და აფხაზეთის ავტონომიური რესპუბლიკის აღმასრულებელი და საკანონმდებლო ხელისუფლების წარმომადგენლები ესწრებოდნენ.

(NS)

ავტორი: ექსპრესნიუსი,

სოციალური ქსელები

მომსახურების სააგენტო პირებს ვისაც 365-დღიანი ვადა უახლოეს პერიოდში ეწურებათ, გამოცდის დაჯავშნის პროცესს ამარტივებს

„ქართული ოცნების“ ღია ნაცისტური ჰომოფობიუფრი კამპანია, ტყუილები, მითები და დაშინება, ეკლესიის ჩართულობით

კობახიძე - 26 მაისს ოპოზიციის ინიციატივები სრული წარუმატებლობისთვის არის განწირული

ბუნების ძალასა და კანის ბალანსზე დაფუძნებული კორეული ბრენდი ROUND LAB უკევე PSP-შია