საქართველოს სახალხო დამცველის მიმართვის საფუძველზე, ეუთოს დემოკრატიული ინსტიტუტებისა და ადამიანის უფლებების ოფისმა (ODIHR) უზენაესი სასამართლოს მოსამართლეების შერჩევის საკითხთან დაკავშირებით სამართლებრივი მოსაზრება მოამზადა, რომელიც დღეს, გამოქვეყნდა.

როგორც ODIHR-ის მოსაზრებაშია ნათქვამი, მოსამართლეების დანიშვნის დაჩქარებული პროცედურები შეშფოთების საფუძველს ქმნის.

"კანდიდატების ფარული კენჭისყრით შერჩევა ძირს უთხრის დამსახურების მიხედვით შერჩევის სისტემას, ამიტომ უნდა ჩანაცვლდეს ისეთი პროცედურით, რომლითაც კანდიდატებს მკაფიოდ განსაზღვრული შერჩევის კრიტერიუმებით დანიშნავენ. გარდა ამისა, თუ იუსტიციის საბჭოს წევრს, ექნება სურვილი უზენაესი სასამართლოს მოსამართლეების კონკურსში მიიღოს მონაწილეობა, მან უნდა დატოვოს თანამდებობა იუსტიციის უმაღლეს საბჭოში ან არ უნდა მიიღოს მონაწილეობა შერჩევის/დანიშვნის პროცედურებში. ასევე, იმ კანდიდატებს არ უნდა უწევდეთ გამოცდის ჩაბარება, რომლებსაც მოსამართლედ მუშაობის გამოცდილება არ აქვთ. ეს გამოცდა უნდა ჩანაცვლდეს ისეთი სახის ტესტირებით, რომელიც მიზანშეწონილი იქნება ყველა კანდიდატისთვის. ამასთან, პარლამენტის მიერ უზენაესი სასამართლოს მოსამართლეების, თავმჯდომარის არჩევა და ამით გავლენის მოხდენა საბოლოო შემადგენლობაზე პროცესების პოლიტიზირების რისკებს შეიცავს და შესაძლოა, სასამართლოს დამოუკიდებლობასა და მიუკერძოებლობას ზიანი მიაყენოს. მოსამართლეთა დანიშვნის პროცესში პარლამენტის როლი უნდა შეიზღუდოს და მას მხოლოდ ზედამხედველობის ფუნქცია დაეკისროს< - ნათქვამია ეუთო-ს მოსაზრებაში. 

ცნობისთვის, ზენაესი სასამართლოს მოსამართლეების შერჩევის საკითხთან დაკავშირებით რეკომენდაციები ვენეციის კომისიამაც გამოაქვეყნა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს