საქართველოს იუსტიციის სამინისტროს სსიპ „დანაშაულის პრევენციის ცენტრის“ 30 ბენეფიციარი დღეს, თბილისის საკონცერტო დარბაზში საქველმოქმედო კონცერტს დაესწრება.

ღონისძიება  სახელწოდებით - „ერთად დავეხმაროთ თბილისს“, საქველმოქმედო ფონდ "კეთილსოფლის" ორგანიზებით ჩატარდება. შემოსული თანხა კი თბილისში, სტიქიური უბედურების შედეგად დაზარალებულთა ფონდში  გადაირიცხება.

კონცერტში მონაწილეობენ  როგორც ფოლკლორული, ისე საესტრადო მუსიკის ცნობილი შემსრულებლები.

დანაშაულის პრევენციის ცენტრის დირექტორის მოადგილის გიორგი პაპავას ინფორმაციით, „კეთილსოფლის“ დამფუძნებელმა მიხეილ ტყებუჩავამ  სსიპ „დანაშაულის პრევენციის ცენტრს“ საჩუქრად 30 ბილეთი გადასცა. ბილეთები გადაეცემათ „ყოფილ პატიმართა რეაბილიტაციისა და რესოციალიზაციის პროგრამის“ მონაწილე ბენეფიციარებსა და მათი ოჯახის წევრებს.  აღსანიშნავია, რომ  საქველმოქმედო ფონდ "კეთილსოფლის" მთავარი მიზანია შ.შ.მ პირების საზოგადოებაში ინტეგირება, თუმცა თბილისში მომხდარი სტიქიური უბედურების შემდეგ ფონდმა გეგმა შეცვალა და  25 ივნისს,  დიდ საკონცერტო დარბაზში დაგეგმილი საქველმოქმედო ღონისძიება დედაქალაქში განვითარებულ ტრაგიკულ მოვლენებს მიუძღვნა.

„ყოფილ პატიმართა რეაბილიტაციისა და რესოციალიზაციის პროგრამას“ დანაშაულის პრევენციის ცენტრი ახორციელებს. მისი მიზანია ყოფილ პატიმართა და მათი ოჯახის წევრთა დახმარება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბერეკაშვილი: ეს იყო არა ფასების დაკლების, არამედ ფასების შემსწავლელი კომისია

დაბომბვის შემდეგ პირველად ისტორიაში, სერბეთმა ნატოსთან ერთად პირველი სამხედრო წვრთნა დაიწყო

საფრანგეთში, ნოროვირუსის აფეთქების გამო, კარანტინში მოათავსეს 1700 ადამიანის გადამყვანი საკრუიზო გემი

დუმამ ოკუპირებულ ცხინვალთან მოკავშირეობის გაღრმავების კანონპროექტი მიიღო