„საერთაშორისო გამჭვირვალობა საქართველოს“ კვლევის თანახმად, მოსახლეობის 45% მომდევნო საპარლამენტო არჩევნების სრულად პროპორციული წესით ჩატარებას ემხრობა.

ორგანიზაციის წარმომადგენლის ლევან ნატროშვილის განცხადებით, მმართველ გუნდს პროპორციულ სისტემაზე 2020 წელს გადასვლა არ სურს, თუმცა ამისთვის სუსტ არგუმენტებს იყენებს. 

„ის  აზრი, რომ ამ ეტაპზე ვერ მოხერხდა კონსენსუსი გუნდის შიგნით, რათა 2020-ში გადავსულიყავით პროპორციულ არჩევნებზე, არ არის დამაჯერებელი. ჩვენ ბევრჯერ გვინახავს, რომ თუ მმართველმა გუნდმა მოინდომა, როგორ ხდება პარტიის შიგნით კონსოლიდაცია, აზრისა და მხარდაჭერის  მობილიზება. ეს არგუმენტი, რომ მაჟორიტარები არიან წინააღმდეგი, არის სუსტი, ვინაიდან  ის გამოიყენება ძირითადად იმისთვის, რომ თავი გაიმართლონ", - განაცხადა ნატროშვილმა. 

ლევან ნატროშვილმა ასევე მაჟორიტარული სისტემის პროპორციული წესით ჩანაცვლების სიკეთეებზე ისაუბრა. მისი თქმით, არჩევნების პროპორციული წესით ჩატარება უფრო მრავალფეროვან პარლამენტს და, შესაბამისად, უკეთეს დემოკრატიულ გარემოს გულისხმობს.

„მთავარი სიკეთე, რაც უნდა მოიტანოს სრულიად პროპორციულმა არჩევნებმა არის ის, რომ  პარლამენტი უფრო მეტად წარმომადგენლობითი იქნება. უფრო ზუსტად  ასახავს პოლიტიკური პარტიების მიმართ ამომრჩეველში ასახულ  განცდებს, ანუ,  დაახლოებით იგივე რაოდენობის ადამიანი მოხვდება იმ პარტიიდან , რა მხარდაჭერაც ამ პარტიას რეალურად აქვს საზოგადოებაში განხვავებით 2016 წლისა,  როდესაც  მმართველმა პარტიამ  49 % მიიღო და ამის სანაცვლოდ პარლამენტში 75%ზე მეტი მანდატი აიღო. ეს დისპროპორცია და დიდი სხვაობა მიღებულ ხმებსა და მანდატებს შორის პროპორციული სისტემით თეორიულადაც შეუძლებელია.  ეს ავტომატურად გამოიწვევს იმას, რომ უფრო მეტი პოლიტიკურ პარტიას  მიეცემა საშუალება, რომ პარლამენტში შევიდეს და უფრო მრავალფეროვანი იქნება პარლამენტი, ასევე პროპორციული საარჩევნო სისტემა ძალიან რთულს ხდის ერთი პოლიტიკური პარტიის მიერ საკონსტიტუციო  უმრავლესობის ფლობას, და პირველ ადგილზე გასული პოლიტიკური პარტია იძულებული იქნება სხვა პოლიტიკურ პარტიებთანაც ითანამშრომლოს. სხვა პოლიტიკურ პარტიებს ექნებათ საშუალება პოლიტიკური პროცესის ნაწილები იყვნენ, პარლამენტში იყვნენ წარმოდგენილები, იქ ჰქონდეთ  საკუთარი მოსაზრებები დაფიქსირებული და არა ქუჩაში გარკვეული დემონსტრაციების გზით, რაც  ქვეყნის სტაბილურობას უქმნის საფრთხეს“, - განაცხადა ლევან ნატროშვილმა.

შეგახსენებთ, რომ კვლევა „საჯარო პოლიტიკის აქტუალური საკითხების შესახებ“ „საერთაშორისო გამჭვირვალობა საქართველოს“ დაკვეთით „კავკასიის კვლევითი რესურსების ცენტრმა“ ჩაატარა. კვლევის ფარგლებში 20 თებერვლიდან 5 მარტის პერიოდში მთელი საქართველოს ფარგლებში 2087 ადამიანი გამოიკითხა.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს