ზუგდიდის მუნიციპალიტეტის გამგეობის, მძიმე საცხოვრებელი პირობების მქონე პირთა საცხოვრებელი ფართით უზრუნველყოფის კომისიამ დღეს ბენეფიციარების ანკეტების განხილვა საბოლოოდ დაასრულა.

გამგეობის ინფორმაციით, კომისიამ დღევანდელ სხდომაზე 35 ანკეტა განიხილა და იქიდან  23  ბენეფიციარს სარეიტინგო ქულა მიანიჭა.

საცხოვრებელი სახლებით უზრუნველყოფის კომიის სხდომას გამგებლის მოადგილე და ამავე კომისიის წევრი გიზო სართანია უძღვებოდა.

მუნიციპალიტეტის გამგეობის საზოგადოებასთან ურთიერთობის განყოფილების უფროსი და საცხოვრებელი სახლებით უზრუნველყოფის კომისიის ერთერთი წევრის მაია ღურწკაიას თქმით, კომისიამ ეიტინგო ქულების მინიჭებისას სპეციალური ანკეტებითა და ფოტო მასალით იხელმძღვანელა.

"კომისიამ დღეს ამომწურავად იმუშავა. სარეიტინგო ქულების მინიჭებისას სპეციალური ანკეტებითა და ფოტო მასალით იხელმძღვანელა. კომისიამ  სამ ბალიანი სარეიტინგო  ქულებით შეაფასა ბენეფიციარების საყოფაცხოვრებო მდგომარეობა და ახლა მუშაობის ახალ ეტაპზე – შერჩეული ბენეფიციარების მდგომარეობის ადგილზე გადამოწმებაზე გადადის",– განაცხადა მაია ღურწკაიამ.

მისივე თქმით, 200–მდე ანკეტიდან  ჯამში 23 ოჯახი იქნა შერჩეული, რომელთა საყოფაცხოვრებო მდგომარეობას 25 კაციანი კომისია კიდევ ერთხელ ადგილზე გადაამოწმებს.

შეგახსენებთ, რომ ზუგდიდის მუნიციპალიტეტის გამგეობის, მძიმე საცხოვრებელი პირობების მქონე პირთა საცხოვრებელი ფართით უზრუნველყოფის კომისია ამ ეტაპზე უპირატესობას სოციალურად დაუცველ და მრავალშვილიან ოჯახებს ანიჭებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დაბომბვის შემდეგ პირველად ისტორიაში, სერბეთმა ნატოსთან ერთად პირველი სამხედრო წვრთნა დაიწყო

საფრანგეთში, ნოროვირუსის აფეთქების გამო, კარანტინში მოათავსეს 1700 ადამიანის გადამყვანი საკრუიზო გემი

დუმამ ოკუპირებულ ცხინვალთან მოკავშირეობის გაღრმავების კანონპროექტი მიიღო

საქართველოს ბანკის შეთავაზებები მოსწავლეებისთვის - მიიღეთ ქეშბექი საყვარელ ობიექტებში