ზუგდიდის მუნიციპალიტეტის სოციალური მდგომარეობისა და პირობების შემსწავლელმა კომისიამ დღეს ბენეფიციარების საყოფაცხოვრებო და სოციალური პირობების პაკეტები განიხილა, რომელიც სამუშაო ჯგუფის მიერ იქნა  ადგილზე გადამოწმებული და შედგენილი.

ზუგდიდის გამგეობის ინფორმაციით, კომისია ორი დღის განმავლობაში საცხოვრებელი ფართით დაკმაყოფილების თაობაზე  შემოსულ 200 –ზე მეტ  განაცხადებას განიხილავს.

ზუგდიდის მუნიციპალიტეტის სოციალური მდგომარეობისა და პირობების შემსწავლელი კომისიის თავმჯდომარისა და მუნიციპალიტეტის გამგებლის ედიშერ თოლორაიას განმარტებით, კომისიამ უპირატესობა იმ ოჯახებს მიანიჭა რომელთა საცხოვრებელი სახლები სტიქიისგან და ხანძრისგანაა დაზიანებული. ედიშერ თოლორაია აქვე დასძენს რომ პირველ რიგში პრიორიტეტი სოციალურად დაუცველ ოჯახებს მიენიჭება. თითორეული ბენეფიციარის ქეისის განხილვისას კომისიამ ადგილზე გადაღებული ფოტო მასალითა და კრიტერიუმების განმსაზღვრელი სპეციალური ანკეტით იხელმძღვანელა. 

„კომისიის წევრებმა კენჭისყრის დროს,  ბენეფიციარების საყოფაცხოვრებო პირობების ამსახველი ფოტო მასალითა და ადგილზე შევსებული ანკეტებით იხელმძღვანელა. დღევანდელ სხდომაზე  მოხდა მძიმე საყოფაცხოვრებო პირობების მქონე ოჯახების შერჩევა, რომელთა მდგომარეობას კიდევ ერთხელ 25 კაცისგან შემდგარი კომისია ადგილზე გადაამოწმებს“, –  განაცხადა ედიშერ თოლორაიამ.

საცხოვრებელი სახლების კომისია სხდომას ხვალ განაახლებს. რაც შეეხება საცხოვრებელი სახლების მშენებლობას, ის მიმდიანრე წლის  აგვისტოს თვეში დაიწყება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო