შინაგან საქმეთა მინისტრის გიორგი გახარიას ინფორმაციით, „თიბისი ბანკზე“ კიბერშეტევა მანამდე იყო ლიკვიდირებული, ვიდრე კონკრეტული ადრესატისგან უწყება წერილს მიიღებდა. 

მინისტრმა ოპოზიციის მხრიდან გაჟღერებულ ბრალდებებს უპასუხა, მათ შორის "თიბისი ბანკზე" მის შესაძლო გავნელანსთან და სამეგრელოში წინასაარჩენო კამპანიაში მონაწილეობასთან დაკავშრებით. გახარიას მტკიცებით, ყველა ტიპის ბრალდება პოლიტიკური კონტექსტით არის განპირობებული და ეს ოპოზიციის ნარატივია. 

„ეს ყველაფერი არის განპირობებული პოლიტიკური კონტექსტით და პოლიტიკური მოტივაციით და გასაგებია. ეს არის ოპოზიციური ნარატივი და ეს მისაღებია. ყველა მსგავს ბრალდებას, ისევე როგორც წერილს, გახსოვთ იყო ასეთი ბრალდება, რომ გახარია აიძულებს "თიბისი ბანკს" წილების დათმობას. შემდგომ ამას რა რეაქცია მოჰყვა "თიბისი "ბანკის მფლობელებისგან? - არა, ასეთ შემთხვევას ადგილი არ ჰქონია. კიბერთავდასხმასთან დაკავშირებით გამოძიება დაიწყო ბევრად უფრო ადრე, ვიდრე წერილით მომართვა შედგებოდა. ამ საქმესთან დაკავშირებით, დარწმუნებული ვარ, უახლოეს მომავალში მექნება დეტალებში შესვლის საშუალება. კიბერთავდასხმის ის ლოკაცია, რომელიც უკვე აღმოჩენილი იყო, ვიდრე ჩვენ წერილს მივიღებდით, ამ კონკრეტული ადრესატისგან უკვე აღმოჩენილი იყო და უკვე საფრთხეც იყო ლიკვიდირებული და ამ დეტალებზე საუბრის საშუალება მექნება და გავშლი ამას“, - განაცხადა გიორგი გახარიამ.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა